~一流仔．明心見性~

2006-10-23 14:34:10一流仔

秋夢．京都 2

留言 1 收藏 0 推薦 0

今日功早起身喎~7 點已經在樓下吉野家食早餐
之後撘京阪電鐵過京都...第一站去伏見稻荷大社
好多狐狸像啊...呵呵呵~好大的一個神社...去左千本鳥居
成條路都係鳥居包圍住...去一間隱秘神社時仲仆左街 =_=

整個京都都給我很古老的感覺,很舒服
還有...這間神社在京都偏南方
旅遊書一般都沒介紹的,但真是個值得一去的地方

可惜這次行程沒能去埋北邊的貴船神社...哈
算吧~有得必有失,這道理我明白丫

玩完呢個就撘車去銀閣寺,很漂亮丫
看到來京都的首片紅葉,拍了很多相片~哈哈
但一路上提著買了的和果子等等...很重

在銀閣寺前嘗到有驚喜的蕎麥麵...再走哲學之道
很優美的一條小路...可惜提著太多東西沒法用心好好感受
這條路適合一個人閒著無聊去走走
累了就坐在路邊,喝喝茶,看看風景再上路

對了~日本的自動販賣機非常多
隔一段路總會有一部~哈哈,很得意

走完哲學之道,就到清水寺看看
不過地主神社關門了~哈哈比清水寺早關一個鐘,下次記住了
到音羽之泉喝了兩條泉水...愛情?金錢?健康? 我都唔知自己飲左邊兩個 =p

走到這裡,發現一種不好的感覺萌生了
或許我還是不能做到有話直說
總覺得那樣很傷人的

個天 6 點幾開始入黑,就轉左去袛園同花見小路
見到藝伎啦~哈哈哈~真係好有特色呀

花見小路...幾次都係入黑先去
所以影的相都比較暗
但條路好古色古香,好有日本古代的感覺
鋪頭感覺上都係好高級的,實際都係 =_=
聽聞呢度的消費每人最少 3 萬yan...要睇藝伎表演真係貴

袛園都係好有古日本風情的街
不過係條購物街~哈哈~
晚上呢去了吃一錢洋食 ...再回大阪分頭行動

在道頓堀飲了日本的 starbucks
......怎麼我覺得比香港的好喝 =_=

今天與姐有點誤會,大家對旅行定義不一
我是認為一齊旅行應該一齊去一齊行動,途中互相分享感受
她是認為一齊去但分頭看自己喜歡的東西
沒有誰對誰錯,只是大家定義不同就易產生不快感覺

最後坦白說感受,大家都能調整適應...我就是要變這樣嗎?
我不是甚麼都不說啊...姐說了一句印象很深的
"你 d 態度成日都好似好不滿咁,令人好洩氣呀對住你"
諗下諗下...又好似係喎...三思而後行,我講野係咪可以積極 d ?

明天雙方決定提早獨行...不懂日文的我終於要一人闖蕩了~

很欣賞京都的寧靜和古老的文化氣息

隨遇而安

上一篇：秋夢．京都 1

下一篇：秋夢．京都 3