2004-02-17

今日辛苦喇........6:30 鬧鐘,唔醒......7:00至識滾落床.....呵~拿拿臨換衫就去集合喇~

上車又訓......同青一齊坐啊~呵呵~開心~~~
跟住去到第一個目的地---鴻運菜田
影左一筒相喇呢度又...哈~因為真係靚~
之後就做左好辛苦的事,就係自己種菜~!!! 條腰勁累,但真係有好深體會~
臨走阿浩仲跌左落水,對鞋陷左落d軟泥度,差d搵唔返啊~

之後去左另一個地方犁田同埋去農家度食飯~我同恆同嘉嘉一組~
佢地間屋勁靚,完全唔似農民的屋,而且佢地原來好多都轉左行去水泥廠工人~
唔太似農民呢~~~間屋係老闆俾錢的,三層高,但一層都有我香港間屋兩倍咁滯呀~
食完飯,佢地仲俾左好多野食俾我地拎走~2:00 就去參觀工廠喇~

由於我所屬的大組係做關於工業的報告,所以我都份外留意架~
佢地間間廠都勁大,但係......地方勁大背後的土地問題又有冇人留意呢?
睇完一間又去左第二間,係紡織廠呢~我地仲可以試o下手織布俾自己啊~~~呵呵~~~勁好玩~
6 點左右仲同工人一齊去飯堂食飯tim~完全有返去五飯o既感覺呀~

食完諗住咁累,會返酒店啦~點知臨時加多左個景點喎~
參觀乳源高級中學........7000幾萬架呢間野~~~個feel就好似暨大珠海學院咁~

睇完就返酒店,開左一次小組會,之後班友又話去打保齡球...哈~
周總理同 祺 輸左,俾人罰o係酒店大堂扮靜心廣告唱歌,笑到我地死咁滯呀~呵呵呵~

但今日其實真係幾累......都係早d訓喇~~~

miss you two..............

想寫故事

發現呢團原來好多人都鍾意玩攝影.....哈~

p.s 張相係南嶺國家森林公園影的~