尋日，貞姐帶學員漫遊時，買左糯米粉、淡奶同芒果汁比我(返工已帶備芒果塞住我把死人口)，叫我整芒果糯米呏比佢食，另外，今日係舊同學+老朋友Sandy生日，所以決次今日朝早放工後就即走。
同亞健去左國記食砀砀同白粥，無睇錯，係白粥，我都係第一次出街自己會叫白粥食，平時病0既學員或詐病的學員就食得多，自己就.....哈哈...病都唔會食....呵呵....不過今日就因為唔想食咁多咁高脂肪0既野，所以二選一，揀左嚿，放棄左皮蛋瘦肉粥，食白粥啦﹗食完之後，就去左樂焙出血，買左MASCARPONE CHEESE、HAPPY BIRHTDAY牌同圍邊，準備整個Tiramisu比Sandy做生日禮物﹗(佢要求)一返到屋企，我第一時間整左Tiramisu，不過個漿好杰，第一次出現咁0既情況，味道就ok，整落左個cake，接住就試整芒果糯米呏，點知....個粉團衰左，一灘野咁，所以就自己落街買過芒果汁，第二次0既粉團就ok啦﹗但當包入芒果時就發現一個好大0既問題，就係.........呀............芒果會出水，好難包呀.....包到我發脾氣，掉左4個包唔倒0既糯米粉團............好唔開心，雖然最終包晒，而個look同味道都ok，不過點都唔喜歡呢個糯米呏......呀.....
夜晚約左同事去大榮華食飯，我住左元朗咁耐，都係第一次去食飯，而飲茶就依稀記得有一之同Sandy屋企人去過一次，但食佢既野，就好多，因為以前(好多年前)我媽咪0係大榮華做野，收夜晚會打包一0的消夜返屋企比我地食(所以咁肥啦我...呵呵)，食物質素都ok啦﹗今日肥佬、Benli、謝Sir、貴哥、Anna到左，估唔到我尾二到，呵呵....因為我要就番Sandy出黎0既時間，拎個cake比佢，好彩大榮華幫我雪住個cake，唔使溶啦....呵呵....點左菜一陣，我個朋友到左，打比我，比左個cake佢我去上去食飯。講開芒果糯米呏，Benli有高見，佢教我應該將0的芒果整碎，雪到佢變冰先包，諗下，又可行，但又覺得個質感會差0的，又諗過一粒過，大粒0的....唔跳呀，........諗起今日整芒果糯米呏...........我就發癲啦......仲係傻左......呀..................
食完飯，同Anna+貞姐行左去LEVI'S睇牛仔褲，最終有我想買0既款，所以就試左，原先諗住買1條，點知發現另一條又不錯，所以試下，原先想要大一個SIZE，但冇晒，所以心大心細，但個SALES話條褲料較薄，好容易會好鬆，叫我唔好要大一個SIZE，呢個SIZE都OK，我著都好鬆，所以就信佢，買多一條，.........之後貞姐叫我上樓上睇T-SHIRT，話有件T-SHIRT佢唔岩，我會岩，而且會好襯我，所以上去睇，我一睇，原先覺得唔係咁岩心水，但一試，又覺得幾好睇，所以都買左......哈哈.........我就係咁，一係就唔買，一係就買好多...........大出血了...呵呵.....(如果貞姐係我亞媽就好啦，會鼓勵我去買貴少少0既野，我亞媽知道我買今日買野0既價錢，我對耳一定唔好過.........唉...........不過有好處0既，事實上我都唔應該咁大洗啦，而未雨綢繆啦，"豪"呢樣野，久一為之好了﹗)不過無所謂啦，成兩個月冇正式買過衫褲啦，成日淨係買整野食0既野，都要平衡下啦，買下野比自己啦...呵呵.........