唔經唔覺, 我已經渣o左十堂車喇, 真係化學~~ 不過渣車真係勁好玩呀, 雖然而家都仲係only 可以o係個場度兜圈, 不過都已經好正~~

過o左十堂喇, 基本上渣車都冇咩問題, 都控制得好好o家, 不過其實我考中期試, 最緊要都係考幾樣野, S 泊車, 窄路掉頭, 斜路開停。
聽落好似唔係好難, 其實都唔係咁難o既o者, 之前我都做得唔錯o家, 不過考試果陣咁緊張, 仲要係咁用左腳吊極力子, 一個唔覺意吊高o左, 咁就真係"死火"喇~~

今日考試喇, 雖然考afternoon, 不過都請o左成日假, 做足準備, 最緊要就係朝早補o左一粒鐘。
不過果個鐘就慘啦, 架車唔係好掂囉, 極力子同手掣都好高, 攪到我做斜路果陣衰o左幾次, 幾驚呀!! 雖然之後都做番ok, 不過都夠我驚死啦~~

補完一粒鐘, 咁就出番去元朗食飯先, hair 多一陣, 又番過入去駕駛學院喇。
去到等o左一陣就要入去個考試室, 果日都唔少人考試o家, 有d o岩o岩考完, 有d 就好似我咁等死, 真係好鬼死緊張o家~~

等o左ok 耐, 有d 人就知道pass o左, 真係開心, 有d 就好似肥o左, 真係可憐。
到我喇, 不過未考住, 因為要試車先, 佢會俾我地試下架考試車o家。

阿sir 話考試車係最正o既, 的確係wor, 都唔知幾好渣呀, 最重要極力子同手掣都ok 呀嘛~~
試完車, 又要等, 等o左一陣就入房報到, 報到完就上車等阿sir 喇。

阿sir 好遲先上黎, 當然做下樣都要同佢打招呼啦, 不過佢都冇理我, 仲要好惡死咁叫我俾ID card 佢tim, 今次死硬!!
入o左四號位泊車, 冇問題過一關, 之後就掉頭, 都ok 埋, 到最驚o既斜路喇, 最後都無驚無險, 咩事都冇發生咁返歸。

冇做錯野, 應該冇事o既, 等o左一陣就出成績喇, PASS!!
哈哈, pass o左喇, 不過係中期試ja wor, 之後約埋出街d 堂, 咁就走人喇~~

好期待出街呀, 不過要等三個week 之後先渣番車, 因為廢事將d 堂分到咁開嘛~~
下次考試, 11月9 號, pass 埋就可以載大家遊車河喇, 如果你地唔驚o既話......呵呵~~

21/9/2004 風四字