11月25日 星期日

是日早起~~~~
因為.....阿嫲過左身一年(農歷計算),要去拜祭一下~~~~
同姐搭地鐵去,係石硤尾join老頭子,上左去阿嫲到~~~~
原來未齊人,所以就落返去食野la~~~~
食到一半嘉倫都黎左,食完就返左上去~~~~
做完d儀式,大伯佢地就走左,姐都有事走左~~~~
我就陪兩個堂細佬妹落樓下玩~~~~
哈,話就話係親戚,唔好意思,我真係唔知佢地叫咩名.........
呢個就係我ge家??
係屋村ge公園,陪佢地玩下,應該....應該唔會有第二次......
希望有la~~~~
玩完返上去同三叔,老頭子落去食d野之後就走人~~~~
本來想搵下娘親,點知娘親唔得,甘唯有返家~~~~
返到去搵左燒上左黎一陣~~~~


11月26日 星期一

是日返工~~~~
星期一照例忙到半死......
原來bebe已經放緊大假.....呀.......
開門做到關門,之後開多個OT,八點九先走.....好累.......


11月27日 星期二

今日開始maggie都放大假~~~~不過對我就無咩特別影響,反正maggie對我唔差~~~~
本來話今日睇”真的想飛妳”,點知又唔成團,灰......
唔係又睇唔到下話,已經睇唔到”野良犬”ga la~~~~
放工繼續開OT,終於搞到八點三就閃人~~~~


11月28日 星期三

返工,放工,好似無咩特別ge一日,不過就超勁肚餓......唔知咩事~~~~
因為餓得濟所以放工未做完野就偷走左~~~~
本來話送外賣俾大人,但係返到麗城大人又唔理我,所以就返左家la~~~~
上左陣網,睇睇下漫畫,十點半都未夠,突然超眼訓所以就訓左~~~~
好耐未試過甘早訓.......


11月29日 星期四

又係返工~~~~
星期四,幾悠閒~~~
本來又話去睇戲,點知都係去唔成.....
順順利利甘就過左一日~~~~
聽日放假,可惜都係無街去.......唯有返屋企打下機la~~~~


11月30日 星期五

月尾+星期五,maggie都竟然俾我放假,對我太好了~~~~
訓訓訓訓訓~~~~
訓到好夠先起身~~~~上左陣網,打左陣機就出左街~~~
還個漫畫,打左陣機~~~~
因為家中無晚餐食ge關係,搵左阿女陪我食晚餐~~~~
去兆和食~~~~真係幾好食,雖然個意粉好怪,d鰻魚又勁難食,不過個扒就真係唔錯~~~~
食完就返左家la~~~~
聽日要返工~~~~

ps1:http://www.youtube.com/watch?v=-sv6XvoDlPw 正到不能ge片~~~~粗口注意~~~~
ps2:轉自阿fung 個xanga~~~~


12月1日 星期六

是日返工~~~~
約左食早餐,不過就得我同師姐二人撐檯腳~~~~
食完買埋外賣俾師傅同dandan就返左去~~~~
一個好古怪ge星期六.......好多好騎呢ge客,好多連做左成廿年ge靚靚都未曾做過ge野係同一日出現.......係甘俾客鬧......
最好笑+無奈係有個八婆,要cut信用咭自動增值八達通,又無人知應該點做,打上咭中心,咭中心叫個客落地鐵站搞,甘我咪答左個八婆lor~~~~點知佢五分鐘之後返左黎,行黎我個窗度,二話不說就拍檯大鬧,話地鐵條友話應該係銀行搞,話我唔識野就唔好亂答,又話我哂佢時間,又要投訴又要搵經理......我點算?二話不說打去八達通hotline,一問之下原來真係去地鐵站搞,半秒唔浪費就俾左個電話俾個八婆聽,個八婆即刻無聲出,極速閃人~~~~
故事教訓我地,身為一個客人,發脾氣發癲之前,唔該100% sure係自己啱,唔係就會好seven ga la~~~~
好辛苦先捱到放工,返左荃灣,改左peoples個名,以後係我自己名la~~~~仲改埋個plan,$35@550分鐘,計埋隧道費都係$47,爆左ge頭450分鐘又只係2仙,即係$56有一千分鐘,夠我用有突,以後唔洗再俾咁多冤枉錢落電話費度la~~~~
之後就返左家~~~~打下機,hea下,甘就一晚了~~~~

ps:今日先記得原來我幫阿女阿過個台,哈,我地兩個都唔記得~~~~


12月2日 星期日

是日放假~~~~
成日都留左係屋企,上網打機咁~~~~
本來都好地地,點知五點幾阿媽一返黎就嘈生哂.......
都話唔見好過見ga la.......
食左個晚飯之後hea下甘就一晚la~~~~


12月3日 星期一

是日返工~~~~
本來以為今日會好忙,點知又唔係wor~~~~
情況ok~~~~不過dandan放下午,所以我同靚靚食左半個鐘頭飯就返左去la~~~~
放工開ot到八點九就返家~~~~


12月4日 星期二

返工~~~~
放工約左睇戲,開心~~~~
可惜大佬唔去,不過stanley去,哈,加入左我地,成日出去玩~~~~
放工先搵娘親食個晚飯,順便幫大人俾返本書佢~~~~
哈哈,好耐無見過娘親la~~~~食左個好滿足ge晚餐~~~~
之後就飛的過圓方join返師兄師姐stanley~~~~
一個好多名店,但係無人ge商場........
睇”真的想飛妳”,唔.......
一般吧,笑就幾好笑ge,不過個結局唔得,想睇就租碟睇la~~~~
睇完就返左家la~~~~好累......


12月5日 星期三

返工~~~~
今日dandan返,不過靚靚放........
lunch分左四輪食......我十二點三出,十二點半返........
放工又係開左陣ot就走左~~~~
返荃灣搵大人,kankan,堅尼夫,阿paul dinner@大家樂~~~~
嗯......係麗城出黎仲慢過我係旺角返黎,都話你地慢ga la~~~~
食完之後kankan佢地去睇戲,我就送大人去搭車,之後就返左家了~~~~


12月6日 星期四

返工~~~~
今日唔知做咩.....忙到死左....完全係地獄星期四.......
無停手.......做到個人好灰................
放工開左陣ot就偷走左~~~~好多野未做,點算..........


12月7日 星期五

返工~~~~
返埋今日就連放四日la~~~~
好開心~~~~
靚靚又返左黎,counter叫做齊人la~~~~
不過今日好q多人黎開戶口,我又行衰運,唔係開戶口就係俾人鬧......頂~~~~
不過算la,四日假期ge喜悅沖淡左佢~~~~
放工六點半就走左~~~~我放假la~~~~
打左陣機,之後返荃灣,買左晚餐就返左家la~~~~

ps:聽日同阿女唱k~~~~


12月8日 星期六

是日放假~~~~
十二點幾起左身,hea左陣,兩點半左右就出左荃灣join阿女二人k~~~~
唱唱唱,唱到五點三,超準時就cut左......
之後陪阿女問左漫遊d野就送左佢搭車~~~~
一條友無人陪我dinner之下,打左俾娘親,原來娘親都無dinner食~~~~
好野,有人陪我dinner la~~~~
六點半左右join娘親,去左和食~~~好耐無食過la~~~~
之後就送左娘親搭車,我就返家了~~~~
好開心ge一日~~~~

ps1:點解唱k先黎喉嚨痛........
ps2:點解新道路d音響咁cheap......
ps3:今日ge遺憾,無三代同堂ge晝面出現~~~~


我,就是我自己~~~~
想講咩呢?
想話俾睇緊呢篇野ge人知,我係一個咩人~~~~
唔會係一篇野入面講得哂,不過講住d先la~~~~
講黎做咩,等你/妳知道我鐘意d咩,更重要,等你/妳知道我唔鐘意d咩~~~~

我鐘意睇漫畫,八成ge漫畫都得,只要個故事唔好太爛同時d晝好爛就得~~~~注意,故事正畫爛我接受,相返唔得~~~~
我又鐘意打機,ACT,RPG,SLG,FIG,SPT,基本上我就係打呢幾個種類~~~~詳細d講係動作(mario),角色扮演(即係無得online ge online game la,雖然online game都唔係得MMORPG),戰棋(唔洗解釋掛),格鬥(街頭霸王),運動(唔明個d人唔該去死)~~~~當然,要細分,我都會玩ARPG,SRPG,STG,或者係mini game,不過唔係我好鐘意lor~~~~另,其實RPG我都唔係太鐘意,AVG就完全唔會玩~~~~
我鐘意聽歌,但係我唔鐘意聽外語歌~~~~連國語都少,因為我唔鐘意聽d自己唔多明ge詞~~~~
我鐘意搵滅絕家一家人出黎~~~~鐘意滅絕家ge每一個人~~~~

我討厭d蠢ge人~~~~真係,同蠢人傾計真係會燥底~~~~另,豬係轉數超勁慢,唔係超勁蠢,所以仲溝通到~~~~
我討厭d人問埋哂d無腦ge問題~~~~例如,走去一間賣雪糕ge鋪頭問人地下間荼樓有咩食,又例如開戶口ge時候問點解其他銀行無甘多手續~~~~唔該問人野之前用下自己個腦先~~~~另,我都好討厭有人問我幾點放工,我講過好多次我真係唔知,更討厭有人問我”咁大概幾點”,我都話左唔知,問多一百次我都係唔知ga la~~~~可惜大人阿女娘親kankan爸爸家姐都問過我同一個問題........
我討厭d人唔用腦就答問題~~~~問人野要用腦,答人野更加要用腦~~~~
簡單d講,我討厭d唔用腦ge人~~~~
我討厭d行得慢ge人~~~~更討厭d行得慢又唔識行埋一二面ge人,最討厭d行得慢仲會行行下企下度唔知做咩ge人,可惜香港九成ge師奶都係甘.........

太多,講唔哂,下次先~~~~