五點左右係旺角坐車車返屯門...本應都一切安好

點知...竟然遇到絶世大CHEAP精....

架車車去到三四個站已經爆滿

我坐係樓下左二排

不久..看到一個阿婆上車

等架車停左...我諗住讓一讓坐啦

跟住當起身叫阿婆架時候

說時遲那時快

有個約四十架阿嬸一二三坐落去

仲驚死執輸咁....我當堂眼都宊埋...

個阿嬸仲扮野....係度拎張紙巾出黎抺汗

跟住個阿婆話唔好意思搞到你到無得坐tim

其實我起身個一刻就預左企架啦

不過條氣唔順....咁CHEAP都做得出

有時你唔讓坐唔緊要

你唔好做到咁CHEAP....

人地讓坐你扮野坐落去

跟住個CHEAP精就拎張紙巾出黎扮抺汗....左搞右搞係度扮訓覺..

真係睇唔過眼.....我無野可以再做

我只可以"啤"實佢...個CHEAP精都算衰...

坐係個位無得郁...我轉登面向CHEAP精"啤"實佢

我唔知我個眼神凌唔凌厲...不過我一定知道唔會友善得去邊

俾人由頭到尾咁"啤"法...一定好唔舒服

但係其實我一樣唔好過..."睥"住佢成個鐘

不段咁"凌厲"人其實自己對眼都好

佢無得避...只好扮訓覺..

但係佢一打開眼就面對我架"睥"....

我見到個CHEAP精好唔自然......

一時扮訓覺...一時左望右望...一時低下頭來

好不好笑..........

到左屯門市中心站好多人落車....我見佢前面有個位人地走左

我即刻坐落個CHEAP精前面

然後打電話...跟住係電話大大聲聲咁講...

話坐我後面條友好CHEAP....咁樣做都得出

我唔知佢塊面變左咩色....

但係我諗佢都唔好過......

其實我覺得自己有D謬交打..嘩哈哈

"吾軀雖以歸故土、他朝君體也相同"

駛唔駛咁呀..............

有時真係唔明點解有D人可以成日保持"凌厲"眼神...嘩哈哈