尋日晨早返到公司真係超攰..因為同事eva生日玩到成四點先返到屋企..陳經理又飲到大左..真係比佢玩死..訓得一陣就要返工..辛苦到爆呀~

一返到黎..冇耐陳經理就返左黎..我都覺得好奇怪..冇奶油佢會咁早ga wo..之後佢仲叫埋我出去..果時都未夠10點..佢話要先去大角咀..原來係車佢老豆..之後我地就係大角咀度...訓覺..哈哈..真係估唔到呀..不過係架車度訓都真係幾辛苦..不過總好過冇啦..攤屍攤左成2個鐘..食埋個飯..再係架車度攤到兩點先去新浦崗..佢話攪個零鐘度..點知15分鐘就攪完..之後去埋上水又話個零鐘..點知呢次就半個鐘..實在係正呀..1600就攪掂全部野..之後佢就話返唔返公司好..我當然要幫佢諗個好既藉口啦..就話如果冇野做返去咪哂油錢..上水返火炭喎..但係做戲做完套..我地去左飲杯奶茶先走人..不過都差唔多1700..唉..返屋企坐又唔係..但係係條街又冇野做..就去搵erica吹下水啦..反正我太攰夜晚唔去食飯..之後佢仲問我去唔去唱k..大佬呀..話到明攰啦...但係都係傾左陣..之後佢就返去啦..咁我局住返屋企啦..不過換完衫就出返去..真無聊~~

不過件衫就出事啦..我居然著左件短袖..返學果時凍到我寫字都寫唔到..之後返先大獲..等車等到我流哂鼻水..死咁滯..下次都係睇下幾多度先出門口好啦~