今朝早早去學車~
第一次自己搭巴士去....
點知~我超級白痴咁早左一個站落車~
行下行下~e....唔對路~
再打多次電話比師傅确之下學車塲個位置~
我都唔夠胆話我身處左手邊威記、右手邊科大的位置....
只系同師博講~我落左25号巴士應該向左行定向右行啊?
佢話"向左...行去澳門旦方向..."
澳門旦.....點解我點望都望唔到有澳門旦ge踪影.........oh~no!
咁唯有行過去啦~都系一個巴士站姐.....(我天真咁以為)
問題系~就算行去我都唔知應該住邊個方向行....而且呢d都唔見有本地路人可以比我問....只系見到有几個靚女拖住行李箱....=_="
師傅話左手邊....我只系見到科大....咁唯有行過去問下路啦~
行到過去~見到科大門口有好多影緊畢業相...
跟住我就問企响最近的一個男生...
"唔該~學車塲响邊啊?"
佢好惊訝咁望住我...學車塲??好遠喎~唔系呢個方向~
"好遠??要行几耐啊?咁我應該响邊個方向行?"
十五至二十分鐘左右啦~呢度行番過去轉左直行...過左威記再轉番入去....
我正响度考慮緊要唔要行番落車個巴士站度搭多一個站呢...
佢竟然話~一系我車你過去啦~
哇~~~~~~我竟然遇到一個大好人~
"真架?"危機意識使我考慮左一秒鐘...
系啊~反正我都系响度等緊人~車你過去好快姐~
"好啊~~~~唔咳哂!".....
原來呢個世界仲有好心人架~~~
其實我見到個男仔點睇我都夠佢打先敢上車架~哈哈~~

學車好攰啊~~~~~~今日仲有d感冒添....
學左兩個鐘....我終於勉強轉到彎啦~哈哈哈~~~