雖然要溫書，但係呢段故事實在太正啦，所以我決定抽小小時間打出黎同大家分享。

　　故事主角叫XYZ，我唔想0係OD響佢朵，會俾佢打死架!!!如果你估到係邊個，唔好同佢講我打左佢0既故事出黎..拜託!!!

　　話說XYZ係個前途無可限量0既大好青年，幾日前佢去考UE oral，０係waiting rm門口裝下入面，睇下入得去未，突然有個女仔衝埋去佢度，同佢講「我好急呀，你幫我看住ｄ野呀！」講完就俾晒ｄbelongings XYZ。

　　XYZ入waiting rm坐底，個女仔去左好耐。後黎佢入waiting rm，XYZ就俾番ｄ袋個女仔。個女仔本來坐0係XYZ後面，但過左無幾耐就無端端自己調上去XYZ前面坐。

　　之後，個女仔就不斷同XYZ傾偈勒．．據XYZ所講，佢完全無主動問過女仔問題，全程都係個女仔問XYZ，聽到答案之後就講自己野。0係等考試0既半個鐘裏面，XYZ知道左個女仔住邊、讀邊間學校..佢地仲發現佢地考0既科同應考場地幾乎一樣，4月4日考ls個女仔仲會坐XYZ後面!!!!!!!!! 最重要0既係，XYZ話個女仔都係基督徒，佢地仲一齊祈禱添──但係係分開各自祈0個種 :p

　　我地聽XYZ講番呢件事時已不斷起哄，wow左好耐；有人問XYZ「咁個女仔靚唔靚呀？」XYZ好firm，完全無半點猶豫咁答左聲：「靚！」簡直係將全段憶述推至高潮！！！！！XYZ話個女仔真係好主動，好健談──佢無話覺得個女仔煩，對佢0既印象都幾positive…!!! Hahaa，好強呀XYZ，撓埋雙手就有靚女主動搭訕；據目擊證人所講，個女仔真係靚架，而且以XYZ對食物要求之高，佢評為「靚」0既應該真係靚。

　　XYZ對呢段艷遇0既感覺係「好搞笑」，加油呀，你唔駛做ｄ咩吸引個女仔注意架，只要繼續肯答佢ｄ問題就得勒．．．當我地不斷起哄同講呢ｄ野時，XYZ就皺晒眉頭咁話我地痴線．．

　　從XYZ0既憶述，我地得知個女仔──

　　　　　1)住0係文禮閣
　　　　　2)讀沙崇
　　　　　3)無讀account
　　　　　4)係基督徒
　　　　　5)有眼光──識得揀XYZ，醒呀！
　　　　　6)長頭髮，應該係戴con（XYZ估）

　　雖然XYZ無主動問個女仔野，但係XYZ好有心咁記得晒個女仔0既資料．．無交換電話唔緊要，你地仲有大把機會見面！！加油呀！！！！！

　　我同阿gap都打算將呢件事記落畢業刊，好期待佢地a-level後0既發展；再有最新資料，我會現場直擊報導架啦！