呢個禮拜真係好多節目,到左今日先停低,休息下~~~
哈哈,等我講下我今個星期做過d乜啦,hee...

星期一呢,我就同姑姐去左美食博覽(果日係last day喇)!
一點幾果陣,姑姐打黎,問我去唔去美食博覽,ho...
由於我當時好無聊咁睇緊電視,於是我就應承左佢啦~

去到會展都已經3點幾(果度6點鐘收檔),我地都幾驚行唔完呀~
開頭我都諗住行下,唔會買好多野,點知我呀媽又打黎叫我買蠔油同埋龜鈴膏,
龜鈴膏就買唔到lu,蠔油就買左,仲好重tim呀,又買左蝦條啦,嘩,真係好好味嫁,
又抵wor...十蚊三包,都幾大包嫁,正呀!仲買左朱古力,餅...等等啦,本應想買埋
柚子茶嫁,但又唔知邊隻好,而且又咁重wor,好難拎ma!!

果度真係都幾多野試食ka,可能因為係last day啦,開頭真係勁多人呀,行都行唔到,
而且個個都大大袋wor,行到尾聲,人開始少喇,而d野仍都開始減價喇,而果陣時.我
就諗番起年宵d野,d人不停咁大嗌,哈哈,好得意呀~~去到一個賣日本既檔攤,有果汁
酒試飲wor,咁d酒的確係幾飲既,飲完仲有d慶慶地呀...

就係咁,我就拎住好多野由灣仔返屋企喇!

而返屋企途中同icy通電話,佢仲叫我陪佢去唱k,因為佢係同佢d同事去既,咁佢
d同事既年紀又比佢大好多,於是星期二果日我就去左觀塘喇~
係响我印象之中,都好似係第一次去觀塘乍,約左夜晚6:30响觀塘neway等,但icy要放工先黎而且又唔係好識路,所以我地差不多7點先上去同佢d同事會合,其實响icy未黎到之前,我就响附近行左一陣,覺得觀塘有d似荃灣,都幾多人,都有好多年青人,好似有d雜咁^^hee~

上到去,間房好大呀(都正常既,有咁多人--9個)但後來,唔知點解,經理又叫我地轉房,於是我地就好無奈地轉房喇!!無所謂啦,轉左房,拎野食都近d麻,哈哈~
佢d同事果然係好成熟呀,雖然佢地所點既歌,有d我都識唱,但真係好耐未試過咁樣喇,都幾得意丫,佢地又唱下d金曲,我,icy同埋另一個後生女(16歲)就唱番d新歌,當我地唱"我我我我我有胸部",佢地不停咁笑,唱唱下,得番我一個人唱呢首歌=.="唱唱下,佢地間唔中都做一d唔正經既動作,估唔到結左婚,生埋仔既人都可以玩咁放...唱到十一點幾差不多十二就走人lu~~~