一個月入面梗係有幾日我會覺得好辛苦，身體對我無聲抗議，抵抗力下降。面上生暗瘡，口腔生痱滋，面青青而血氣不足，潮熱、心煩、多疑……
引發以上一系列症狀的原因係因為要返夜更，行稱「當黑」。唔好以為當夜班好優遊呀，原來香港有好多人通宵都唔訓覺嫁！又或者真係失業者眾，日頭冇咩野搞所以到夜晚依然係生生猛猛。而太陽唔響度既時間，人係會特別缺乏理性，所以好多事情就此衍生。就好以醉貓打交爭女都係等閒事，有時無業青年成群周圍遊蕩，又會手多多去畫人地塊牆，打爛商場玻璃，總之就冇好帶協。
最唔生性係部分屋村師奶，D仔女第二日都要返學，佢地都要打牌打到三更半夜。佢地所作所為當然為日間工作的人所不容啦，香港地D樓又單薄，真係幾討厭。怨氣乃由此而生，但好多時苦主無處宣洩，往往向我地發作，有時D粗口精句可以集錄成書！
以上種種佚事，我本應尚可應付。但在夜班時間，精神狀態未必keep住咁好，轉數亦慢，有時用詞不當重會比D市民抽後腳，真係吹脹。

我呢過週期性問題，每四個禮拜一次，每次7日，絕對準過大姨媽……