今日學校派左d prospectus畀我地. 終於都到我地喇. 回想起2年前, 我讀中五讀到一半既時侯, 有一日無啦啦我個位出現左一本PolyU既prospectus. 由果時開始, 就係我第一次真真正正接觸"大學".

直至到今日, 大家都開始派, 心入面又有另一番既感覺.由於我同我朋友仔阿琨一早就研究過prospectus, 所以, 我地基本上都知晒究竟發生緊咩事. 不過, 眼見好多既書友仔, 都係一頭霧水, 甚至拎到prospectus響手, 都仲問係咩, 果下真係覺得好唔知點咁, 好奇怪點解我地間學校唔會響之前就教定d學生點去諗自已既前途係點....要去到中七, 先好似放狗落鬧咁就算.... 成日d先生就話, 學習氣氛差差差, 如果你一早畀左個目標佢地, 令到佢地"心紅紅"既, 佢地一定好自發架啵....係人都知上得中六七, 目標多數都會放響大學果度, 但係, 對於一個普通中學生, "大學"就只係限於"好多$", "好多設備","有hall住","唔駛校服"既層面之上.

[受完教育, 讀唔到書唔緊要, 最緊要識諗野.]我已經唔記得左係咩人講架喇, 佢講得好中, 不過, 如果好似而家咁, 一個學生受完教育出來, 唔識諗野, 達唔到教育既最低要求, 敢問一句, 係唔係真係好失敗?