十一月七日

今日全日既青春貢獻咗俾兩個字—溫書(仲有上網….)

好灰,因為溫唔晒,聽日就要考,你話點死?之前仲plan得好好諗住將之前錄既堂聽一次,但當我聽咗十分鐘發覺都係唔知佢講咩時,已經決定要---放棄!!反正我要溫既都未溫晒…

但今日覺得好灰,我之前見student union有past paper dl,特登dl咗,初頭以為自己蝕咗,因為好多第一個mid term都過晒,但好彩全部既第一個mid term都無,淨係由第二個開始先有,諗住自己執到寶,點鬼知上次acct又唔記得咗做,今日溫溫吓anth諗到acct,諗住唔會咁邪一樣掛,點知三條入面竟然有兩條係copy既,好激氣呀,都唔知自己做咩,仲要第三條題目一樣但問題唔同!!!!!!!!!!!好灰….自己竟然做得咁差,唔怪得上次有人考咁好啦…都唔知係咪問其他人攞past paper既,個prof真係懶到爆炸…如果不同都無咁激氣,仲要係一樣自己唔記得做….

心情就好似今日既天氣咁,陰陰沉沉…書又未完(溫唔溫得晒先係個大問題)acct又…到隻嘢返來我先知今日又落雪…佢仲話帶咗啲糖來俾我食添…(呢度既halloween好似香港既lunar new year,度度都請食糖,連個吸血lister都送糖,但聽講已經過咗成個星期…都唔知係咪食淨既,佢平時心情靚食都會問我食唔食佢啲零食,但我無一次食,但今日佢自己一來就擺係我枱度,無理由俾返佢咖,算啦,話唔掂我都想食啲甜既嘢,食咗佢啦,但都係oreo好咪啲….)

最衰都係自己,成日上埋啲無聊網,都唔知自己做咩鬼!!!!!!!!!!!!!!!

以前不嬲都係我控制啲時間既,來到呢度之後成日都俾啲時間玩返我轉頭,我幾時變得咁失敗?!?!