十月二十九日

今日個住咁既嘢都唔知做咩鬼發晒癲成朝係度嘈生晒.個鬧鐘七點幾響度八點都唔閘,鬼唔知佢係特登咩(佢平時連人哋係床度轉來轉去既聲都聽到,我真係唔信佢咁大既閙鐘聲都聽唔到)仲要之後係度大大聲講電話又開晒門,臨走前仲要bang門,都唔知佢發咩神經,真係唔抵,仲等我琴晚諗住考完試同佢一齊早瞓.佢同我記住來,我下星期開始一定要玩返佢…

之後起身可能瞓得唔夠,所以唔想去做gym…(聽日一定去).係度上網,好surprise, carlos竟然叫我同佢一齊參加hsbc個biz plan既比賽,我問佢我暫時唔係香港佢介唔介意,佢唔介意我當然無所謂啦,我哋嗰組仲有pat,其實我一真都想參加,我都知唔一定得,但我有興趣,只係一直搵唔到好partner,依家都算好,有人同我玩.不過佢會搵我我真係有啲意外…但點都好啦,要多謝佢仲記得我

之後去開fin442既會,唉…班友仔竟然玩失蹤,一齊放我飛機!!!!!!!!!!!等咗三個字debbie先來同我講cancel咗個meeting…之後係度同佢吹咗一陣,佢話佢drop413,佢話太難(唔怪得琴日考試見唔到佢)但佢真係搞笑,上星期仲係度趕份功課,而且都上咗成三份二,依家先drop,再講,佢先讀四科,依家drop多一科,咁咪即係淨係讀三科?!?!佢問我點解可以take咁多科,我話其實我係科大平時都係take6,7科,依家都係take六科,都差唔多,只不過自己一開始太懶,所以搞到之前嗰幾個星期咁辛苦,希望之後啲time management會好啲,咁就唔洗咁辛苦.

之後上完anth,個prof好搞笑,佢以為我哋又係度等佢,話下星期再同我哋講,因為佢陣要去開會.(其實好多時我哋都唔係想問佢嘢,只不過佢行過來我哋就問東問西,但點都好啦,佢真係好好人)因為星期日係Halloween 既關係,啲人好多都化晒妝,最搞笑既係連cab既清潔嬸嬸都著仙女裝,頭冠低胸裙加神仙捧…係anth上完有個人著機械人裝,所以我哋同佢影咗張相.(最左面個女仔k..係咪好靚呢,之後mina, Angelique, sarino同我)嗰三個亞洲人係日本來既k同sarino係東京來既,mina係小地市來既,我唔知中文名.sarino同佢男朋友住hub,佢話一個月先一百五十(因為兩個人住一間房,一人一半)mina住host既,angelique係本地人,佢成日都好緊張,仲緊張過我,第一日識佢就同我講佢太忙,考慮緊同佢男朋友分手,因為應付唔到…嗰三個日本女仔都會係度留一年(真係慘,但可能佢哋會好享受,因為佢哋會呢度啲嘢平過東京好都,一睇都知係…嗰兩個東京既堂堂notes都係1 in 1仲要係彩色既,一睇咁樣就知呢度啲嘢係平過東京幾多啦…)

之後去sub度問volunteer既嘢…點知佢叫我上網搵…唉,鬼唔知咩,有啱既一早搵咗啦…有個女仔竟然就咁著住個鮮紅色火辣辣既bra做化妝...真係連custom費都慳番哈哈,我星期又唔會去party,唔係就咁著都好抵喔...(講笑,等我去做過手術先我者會考慮吓)

晚上媽係度問我銀行啲嘢,終於收到封信,都唔知係咪真係要咁耐,之前封局既人同我講淨係五六日就得.但算啦,反正調到就得啦,我又唔趕住用啲錢.之後係msn度講咗成個鐘.我聽到佢話隻狐狸精之前話自殺,都不知幾心涼,但最衰就係死唔去,呢啲咁既人渣,都唔明個天仲留牠來做咩…

之後上網qq度有個人好搞笑,係新疆人,佢問咗我一條好私人既問題之後就話要娶我,我話唔係呀,咁遠(我諗返暑假同姨去雲南自己著啲小數民族既衫就覺得恐怖…)之後問我要相,咪係網上是但copy一張俾佢,佢竟然話佢一定要娶我啦….我話我要好有錢先得喔,無錢我唔嫁咖,佢話佢一定養得起我,仲話要我既電話要即刻打俾我….傻既.我之後梗係add咗佢入黑名單啦…