十月廿八日

簡直想虛脫…今日總算考晒所有第一round既mid term.可以鬆一口氣(其實下個星期就開始第二round…)但點都好啦.下個星期淨係考一科,希望唔洗讀得咁辛苦啦.

今日開齋走咗堂ACCOUNT,其實呢堂真係幾廢,但因為堂堂都要抄NOTES,搞到我唔上唔得,我廢時成日問人借咁煩.但我諗下星期要問JENNY借來(要煩佢真係唔係好想)但無計,溫唔晒FIN413

今日派fin442,哈,我發覺呢得啲professor好搞笑,改巻己經改得好鬆,仲成日係度送分俾人,真係自欺欺人,好似上次account個professor,每個人俾多十分,但對我來講都無咩用啦,因為final grade係拉curve既,我都仲係排係median度,A就無可能既啦,坐C望B啦…唉,係科大既ACCOUNT從來都未試過低過B+,睇來今次要開齋啦…但今日個FIN PROFESSOR仲抵死,每日俾多四分,佢話因為佢想個MEAN係B+,哈哈,結果我加埋個四分就變咗滿分啦.但好似無咩意思咁….之後又派糖叫我哋幫佢填EVALUATION FORM.真係搞笑,因為我哋嗰班有四五個高齡同學,唔知佢哋覺唔覺得好似返咗幼稚園呢.但算啦,話唔掂RAYS鍾意食糖,下晝請佢食啦

LUNCH本來唔係好想去食,唔知點解呢幾日咩胃口都無,都唔知 係咪因為食得太飽,飽到自己都食唔落.之係同個嬸嬸講開嘢,原來佢都係香港人.呢度真係周街都係香港人,起碼成日都聽到有人係度講廣東話

食完LUNCH繼續去溫FIN413.之後去咗考…個PROFESSOR暴冷居然出好少計數,好多都係吹水嘢…唉,我最弱個範…考完我成個人覺得好似返咗中學時考試考足成個月後 解脫既感覺…但RAYS又不停係度講份巻,我叫佢唔好講啦,都考完囉,佢話佢有一條十分無做,但又不停話份巻易…唉,都好完囉,都唔知講咁多來做咩.況且佢都唔知係咪真係咪差,上次FIN414佢都話佢唔識,結果咪又係同我一樣分…

之後我想去SUB登記義工,但又想去HUB睇吓有無去美國既旅行團,RAYS話不如去HUB,佢有嘢做----打機…唉,咁大個都仲成日打機,我睇完佢都未打完(初頭見到有個去LA既七日遊,雖然無嘢玩.但覺得個價錢都OK,點知原來係唔包機票,咁自己買咗機票咪要過千五?!?!?仲貴過香港,我諗我真係要留 返係香港來啦…)我覺得自己好似係度帶個細佬,佢打完話發洩吓….仲係度話佢已經來呢度打爆過好多次機…真係服咗佢,嗰頭咁緊張,呢頭又係度打機打得咁開心…

晚上唔係好想食…但都是但買咗個PIZZA,因為唔想空住個肚,今晚想快啲搞埋啲嘢早啲瞓,呢排唔知係咪瞓得太少,成日都暈暈哋,我要早啲返聽日開漿做GYM…唉,但一返到HALL就又搞個電腦搞到八點幾…(對呢個電腦真係又愛又恨,愛係佢唔洗搞到我咁悶又可以同其他人聯絡,恨係我嘥咗好多時間係呢個電腦度…)點知今日CHECK LIBRARY個ACCOUNT時佢話我琴日啲罰款仲未還!!!!!!!!!!!即刻成把火,琴日已經夠晒激氣,依家仲要俾人鑿多筆,你都咪話唔激氣,即刻SEND EMAIL係啲負責,個衰人咁無品,一蚊都唔放過,我聽日一定要去叫佢同我道歉!!!!!

今日好早見到姨上網,但佢話妹妹病咗…希望佢快啲好返啦…