2009-02-17 00:27:22傻囡
我的隱形情人
２００９年２月１４日凌晨零時零二分
傳來一個訊息「情人節快樂..... 」
如果哩句說話換轉係你同我講，究竟我有咩感覺？？？笑？喊？
情...人...節...快...樂.....？
多謝大家陪我過了一個熱鬧既情人節~
多個約會約咗好耐一次又一次，最終都撥唔出時間而失約、擱置。
甚至乎佢地落黎搵我見我咁忙又唔好意思打擾我，連講句說話既機會都冇，好抱歉!
我知架，怨我既說話每次都係帶笑咁講，其實係暗示我.....
我究竟幾時真係可以俾到時間你、你地、媽咪、...甚至自己？？
做每一個角色都未夠稱職，達唔到應有既本份。一個稱職既孝順囡....我冇!
身邊既同事、朋友、屋企人...眼見我咁辛苦，究竟為既係咩？何必呢？
最近想抽身離開既心態真係好大好大，冇咗果種動力同衝勁。 心..... 攰喇~
若果哩個決定係事實的話，持贊成票既一定係最多。
對自己好啲想做就去做還顧慮甚麼？唔知唔知唔知......
係呀，我仲有好多好多嘢未經歷未實現未做..... 好多心願未了架!
其實我要既好簡單啫... 但都係咁難？？？
辛苦？已經麻木咗! 醉翁（我）之意不在錢
如果哩刻你要我放棄，十萬個我願意聽晒你話，只因我在乎你
錯喇，最終我錯喇!
因為你要我記起留俾我既都係開心美好既回憶，所以我更痛苦，好殘忍呀!