拜維佳 活出自己的精采 贊助
2021-03-28 08:55:37Ethan~

27/3/2021


真係好耐好耐冇試過全日同阿仔出去,今日終於都可以夾到一日出去行下~!!
其實我地是次制程都係比較簡約,主要都係去左兩個地方兼叫做多一個經歷啦~!!

由於今日阿仔都係有開車,所以我地上半場就去一個從未去過o既新地方到食野~!?
而呢個位置鄗期都係一個比較大熱景點呀,事關呢到個環境都真係幾舒服呀~!!

我地首站去左科學園到食返個lunch兼行左一陣,畢竟我地今次都係第一轉到場~?!
至於阿仔都覺得呢到環境唔錯啦,而且佢仲話日後有機會可以再o黎過添啦~!!

我地今日難得有較長時間見面,所以可以傾到o既話題都比之前多返d呀~!!
首先我地都有講下投資搵錢同埋買樓問題,畢竟呢個都係我地需要考慮o既事宜~?!
呢方面當然我地能力都係有限啦,再者我呢方面o既知識亦都比阿仔弱啦~!!

及後我地有傾下近期生活上遇到o既問題,當然都係有傾下工作事宜等問題啦~?!
畢竟生活同埋工作都係最影響情緒問題因素之一,而且近期家族成員又有唔少問題~?!

其實都已經唔係第一次去發現呢d問題,同時我地都有去講下相處價值觀問題啦~?!
身邊總有唔少朋友來來往往啦。但係終究有幾多個真係可以同自己真正一直走到老呢~?!
談及到好多做人處事方面o既問題之後,同時都有唔同位置去俾我地反思一下自己~?!

而輕鬆咁完左上當場之後,我地就轉戰去沙田到行下街同埋輕鬆食埋個晚飯喇~?!
至於呢部份就係講到關於未來計劃同埋感情事,阿仔一直都好想我搵到個伴俾自己~!!
佢無可置疑係最了解我同埋最清楚我性格o既人,所以好多野都可以講得好快嚕~?!

及後新抱仔就加入左我地一陣間食左個糖水,而且佢都有同我地一齊傾下計啦~!!
同佢圍埋反而就會傾下d輕鬆話題先啦,再者我地一講到公司野就會好有共鳴囉~!!