2020-05-23 23:35:33Ｅｔｈａｎ～
２３／５／２０２０
之前大家傾開約時間齊人聚一聚，大家夾完之後就揀左今晚去大圍到食野～！！
原先仲有叫埋Andy一齊出o黎見下面，不過聽阿沈講佢唔太想出就算數喇～！！
其實我對Andy個觀感一向都唔算好差，只係覺得佢社交方面就比較差少少嚕～！！
而我地今次圍埋都係講下生活先啦，尤其係講下買樓同埋考慮移民等問題啦～！！
至於疫情之下工作方面方面等問題都有講下，至於旅行計劃就當然係叫停左嚕～？！
大家都唔太睇好之後香港生活水平，而且大家亦都覺得呢到前景已經唔多好喇～！！
當然為左生活依然要繼續努力工作啦，最終都係期望自己可以有間自己o既屋啦～！！
今晚個氣氛其實真係好好啦，由食晚飯直到轉場食糖水大家都係有講有笑呀～！！
畢竟大家圍埋除左吐下苦水之外，我地亦都會就住唔同話題一齊去講下笑娛樂下～！！