今日全日有約朋友出去見面，而今次就分開左上下兩場唔同地方啦～！！
第一場就係下午時間出去旺角，至於下段晚飯時間就返左入屯門～！！

上半場就係同阿沈及阿Ming見面，事因我地都已經慣左每月聚下～！！
而今個月又真係排得後左少少，事因我地中間Ｄ期都有約或有事做～！！

至於我地今次少左講工作，主打都係談及下生活事宜同埋感情問題～！！
佢地一個就準備結婚，所以呢段時間都係要不斷去忙準備事宜啦～！！
而且阿Ming早前都同阿Kris返左上大陸，佢地其實都有再去睇下嚕～！？

今轉傾婚禮o既野亦都唔算多，主要都係阿Ming有堆野要買想問意見～？！
由於我同阿沈都係主力協助人員，所以主角好多野都會同我地傾一傾嚕～！！

而阿沈盲主要呻下佢同Andy之間o既事，而主要咪又係唔識得浪漫囉～！？
再者佢地之前去左睇樓想為結婚做準備，但係中間又發生左唔少問題～？！
無奈Andy個媽咪似乎唔多喜歡阿沈，不過呢ｄ同做人處事亦係有關連啦～？！

稍後時間阿Ming同阿Kris就影結婚相喇，而是次就講到已經揀好晒地方～！！
我地都好期待睇到批相個效果呀，而且佢地揀o既地方亦都係唔錯嚕～！！

至於下半場時間返左入屯門晚飯，成員又係司欣同埋Phoebe及Jacky呀～！！
呢次會面主要講下佢地下星期去睇樓，事因佢地搵緊地方準備搬開住～！！
而呢個計劃其實都一直進行緊啦，不過佢地經濟方面似乎就有ｄ阻滯啦～！！

而世俊個女出左世之後，我地原定就計劃今日齊去睇下佢兼送ｄ野過去～？！
不過因為天氣問題最後就只係Phoebe俾左ｄ野佢，我地就冇同佢見到面～！！
事因早前佢地講緊將部BB車轉手，所以佢地就自己先行解決左呢個問題～！？

不過今晚Jacky都有同我呻過關於搵屋一事，似乎佢地兩公婆盲有唔協調～？！
但係我同司欣就點都會做個中間人，畢竟都唔想佢地再為ｄ咩而去嘈啦～！！

上次就講好左計劃年底時間一齊去旅行，至於今轉就講下本地飲食呀～！！
我地有時間都會約埋見面食飯，而且約齊人又可以帶埋BB一齊出去行下～！！