一年一度回顧又係時間做返下，而自己對於2018年就覺得一般啦～！！
整體而言都唔可以話好差或者好好，不過慶幸係不快事宜唔算太多啦～！！

年初時間就同司欣慶生左，同埋Phoebe又讀完左幼兒教育正式畢業～！！
所以我地都先後為左唔少特別野慶祝下，同時屈妹就正式做人太太啦～！！

其實年頭時間都相對較多開心事情，而且本年度家族政策又唔同左～！！
當『綠燈』開左之後就多返唔少活動，畢竟好多人都可以回歸一齊玩～！！
所以本年度慶生環節都比以往多左，不過世俊生日派對就出左事嚕～！！

至於每年新年環節都會同朋友見下聚下呀，當然今年亦都唔例外啦～！！
多位結左婚o既朋友都有同我見面，或者節日時間心情大家都相對較好～！！

每月會見面o既朋友就繼續傳承，至於『愛人』今年都見多左一次呀～！！
不過身邊朋友亦都有唔少事宜發生，所以我都有同佢地一齊度過呢ｄ時間～！！
隨住呢ｄ事宜發生總會令人價值觀有變，但慶幸係大家仍有一份感恩o既心～！！

至於今年終於都同屋企人去左澳洲旅行，呢樣野真係一直都想做到啦～！？
雖然本年度出外次數都唔算好多，但係呢次經驗令我更體會到世界大不同～！！

而阿仔同世俊近下半年時間就相繼宣布結婚，當然前者就係先做求婚環節～！！
至於後者方面就真係趕及於年底前成事，至於Phoebe亦順利誕下左個女女～！！
家族上首個ｂｂ出句後大家都覺得好開心，所以我地都有為咁而送左禮嚕～！！
同時阿Ming同阿Kris亦已經計劃好明年會成婚，所以喜訊都算係唔少呀～！！

下半年時間相對以往就較為平淡，好多朋友都因為時間問題而少左見面呀～！！
而我自己生日今年亦都同往年一樣啦，分開左幾個場次同重要朋友慶祝一下～！！
因應各人生日而加開場次玩下，所以下半年就仲有子瑜同Jacky都係近年首次～！！

當然今年有一位『新力軍』o既出現亦係重點，因為繼『愛人』之後終於再有～！？
佢雖然係一位醫生兼且性格又有ｄ古怪，但經過左大半年時間相處後認識係多左～？！
自佢出現之後好多工作上o既野都出現唔少變數，再者佢對我的確有ｄ正面影響～？！

臨近年底時間方面就再認識左一位新朋友，而呢位朋友就係透過阿沈介紹啦～！！
雖然我地宜家相處左時間唔算好長，但外界似乎就比我自己更緊張我o既感情事～！！


2018年度熱播十大歌曲

01.許廷鏗-停半分鐘聽一闋歌(177)
02.鄭俊弘-星光(153)
03.胡鴻均-偷聽情歌(133)
04.鄭俊弘-無畏的肩膊(121)
05.許廷鏗-白紙(117)
06.菊梓喬-只想與你再一起(110)
07.周柏豪-烏托邦(104)
08.陳柏宇-認真如初(91)
09.陳奕迅-漸漸(88)
10.容祖兒-心之科學(79)