今日繼續另一場生日飯局，而今次我地就揀左去尖沙咀打邊爐～！！
因為Kris有事在身就缺席，所以又變我同我阿Ming佢地四人行喇～！！

約左6:30pm出到去會合，隨後我地就可以即時入去餐廳喇～！！
事關我地早前就已經訂左位，加上時間尚早所以咪唔算太多人囉～！！

會面時間主要都係先講工作方面事宜，因為呢期個個都玩轉工呀～！！
早前阿Ming就已經考到政，所以佢稍後時間都會離任現時工作嚕～！！
至於我就開始返去以前忙碌狀態，所以我已經又開始搵緊工喇～！！
而阿Wing就更加係我地圍內換工最密o既人，事關佢又覺得要轉工～！？

今次除左有談及到工作事宜之外，下半年活動計劃都有去傾下啦～！！
除左會傾下稍後時間想約埋玩咩之外，旅行計劃亦都係繼續有夾下嚕～！！
去旅行的確需要有一班朋友一齊去先好玩，但當中更需要盲係協調～！？

講完旅行呢樣野之後，我地又講下現時香港生活同埋小朋友問題啦～？！
畢竟我地都已經到左拍拖或結婚年齡，所以呢Ｄ野大家都會一齊傾下～！？
始終宜家香港生活壓力都真係好大，所以生唔生小朋友都要考慮清楚嚕～？！

影相同埋傾下閒計講下笑，當然都係我地每次都一定會做o既事情啦～！！
雖則我地宜家基本上每月都會聚一次，但每次都會有唔少笑料爆下～！！