呢個月絕大部份假期時間都排好晒約會，因為呢個月真係好多野要做呀～！！
而呢個月第一場主打就係Fred宣傳活動，事因佢套劇即將進入結局篇階段～！！

所以我地今日都算係齊人去撐場，而我宜家每個月都會派一個時間俾佢啦～？！
以前就話時間足夠先可以出多Ｄ活動，不過今時今日情況就有Ｄ唔同左～？！
雖則我都仲未完全失去晒興趣，但我都會同自己盡量理性地去當為一種娛樂～！！

至於近日圈內是是非非仍然繼續，而呢個更加係我覺得唔喜歡o既原因～！？
起初大家都仲可以係一種單純喜歡而拉近大家，但宜家個個背後都有目的～！！
太多呢Ｄ麻煩事就更令我卻步同佢地太深交，或者呢個亦都係一個過程啦～！？

今日大家出齊人去到紅磡撐場兼一齊做野，當然我地見到面都會傾下計啦～！！
而呢個公關身份o既關係亦係我早前已經行緊，始終短時間內大家仲要合作～！？
至於就住呢幾方面問題早前都已經同契媽傾過，同時我都有搵阿仔商討過～？！

其實今日場活動都唔算好忙，事因我地都係做返日常出活動要做o既事宜～！？
不過佢地就提到稍後時間話想約飯局，原因就係全個契氏一齊睇大結局喎～！？
以前我或者都有心機去應約出席呢Ｄ活動，不過近期都已經係選擇性喇～！！

加上之後又有勁多活動陸續要去，所以開支方面都要再諗諗係咪值得啦～？！
雖然同佢地一齊都唔係太悶場，但始終感覺變左就點都返唔到以前咁樣啦～！！
而今日活動中繼續聽到唔少是非，同時佢地大家個心明顯又係互相猜度～！？

往時完左活動之後大家都會繼續留守，因為我地都仲可能會一齊去食下野～！！
但近期開始呢個慣例已經少左喇，好多次活動完晒之後都係即時各有各散嚕～！！
或者大家都知道圍埋都冇咩好傾，咁樣不如完左工作之後就去做返自己野嚕～！！