踏入左生日月之後當然有唔少飯局，而今晚就係另一個場次啦～！！
今晚同阿Ming佢地約左出旺角聚一聚，但佢地就俾左個驚喜我～！！

事因之前話約埋出去食飯傾下計，事因上次可以話都未傾夠嘛～？！
所以早前阿沈就建議大家再約出o黎玩下，咁樣呢件事咪就成左事囉～！！

約好左7:30pm出到去餐廳到等，點知我地幾個都差唔多時間到步～！！
一齊去入座之前咪吹返陣水先囉，事因呢期阿Fred又開始多返活動嘛～！！
不過我同阿Ming都已經先後開始減產，大家就連圈中朋友都少見左～！！

是晚話題都離不開遘到生活事，當然轉工同準備轉工呢樣野又有講～！？
事因我地四個都會先後離開自家公司，不過最苦惱o既相信都係阿Ming喇～？！
畢竟佢以前做開o既工作量唔吞好辛苦，而且人工方面又算係唔太差嚕～？！

我地幾個都覺得佢需要調整心態，唔可以再用以前o既工作去做指標囉～？！
始終人都要面對現實同埋生活，至於感情事方面繼續係今晚話題之一啦～！！
同時大家今晚都有講到旅行計劃方面，唔知點解大家對呢樣野都好有共鳴～！？
大家都期望稍後時間可以一齊出外玩下，所以現階段都開始緊傾呢樣野～！！