自佢上月生日之後就各自忙於工作，今晚就抽左少少時間一齊食個晚飯～！！
事因Phoebe今晚比較自由身，所以佢尋晚就約左我今晚出去食飯傾下計～！！

由於我地都需要開工先可以出去，所以最後都係決定近近地市中心食就算～！！
約左7:30pm左右出到市中心會合，而佢今次竟然係極少數o既早過我去到餐廳～！！

雖然我地都唔係好長時間冇會面，不過今晚 首先就梗係講左自己最近生活先～！！
及後就轉為誚下身邊o既家族成員事啦，而Jacky同佢之間o既事當然都有提到啦～！！

佢地宜家o既關係都比較奇怪，唔可以話係好差；但係又唔似以前咁好咁開心囉～？！
加上自Phoebe復工之後，其實就連佢地兩公婆之間都經常因為時間問題而少左溝通～！？

至於其他家族成員o既野 當然都有談及，主打都係講下佢地o既表現同埋近況先啦～？！
畢竟我地近年都唔係成日有聚會俾大家走埋一齊玩，所以呢Ｄ時間都會講下佢地o既事～！！
始終宜家大家都各自為生活或工作而忙碌，但我都希望每年至少可以搞到一次大型聚會～！！