自從早前正式入左阿Fred個歌迷會之後，我o既生活真係可以話出現好大變化呀～！！
除左試左一連串以前冇試過o既野之外，同時我都係呢到認識到一班好玩得o既新朋友啦～！！

而呢班新朋友除左好照顧我之外，同時佢地都係歌迷會o既老臣子同埋幹事級成員啦～！！
由於近兩個月開始同得佢地出活動出得多，所以我好快就同佢地變得好熟同埋好玩得喇～！！

宜家佢地除左出活動o既時候會搵我齊幫手之外，就連平時約出o黎食飯都開始預埋我添喇～！！

其實我都已經唔係第一次同佢地出去食野，事因早前出過幾次活動之後都有一齊食野啦～！！
講講下其實次數都應該係新人中算係比較多，加上佢地一聚o既成員都好喜歡我o既加入嚕～！！

至於今晚又係Carmen於尋晚突然話約，但佢之前就未有我聯絡方法而要透過Fiona搵我啦～！！
最初聽Fiona講就話今晚約出o黎係要傾1/2活動o既事，因為佢地又有野想搵我去幫忙處理喎～！！

呢期我就比較自由身可以同佢地一齊玩多Ｄ啦，但遲下都應該會因為時間問題而要減產喇～？！

今晚原本就約左7:00pm出去尖沙咀到三個人食晚飯啦，不過今轉就突然多左琪琪出現喎～？！
最初我都覺得好古怪點解佢會突然間出現啦，畢竟原定計劃之中o既名單係冇預計過佢在場～？！

而且最初計劃又話係講Ｄ好認真o既活動事宜，最後我地就竟然變左好似訪問節目咁又玩又笑～！！

正到完左晚飯之後o既時間，佢地三位女士又話想去出面海濱長廊到行下吹下水當兼消化下喎～！！
點知行行下大家見到個夜景好靚o既情況下，我地就由尖沙咀一直玩影相玩到落去尖東一帶～！！

最近拍住呢個大家庭o既成員的確開心左唔少，而相關情況同埋事宜我亦於早前同阿仔傾左啦～？！
同時我都有將有關o既擔憂問題同部份人傾過，畢竟稍後時間我真係冇可能會再去到咁盡喇～！！