早前一星期已經開始覺得身體有唔妥，點知星期一返返下工就終於出事喇～！！
其實早前幾個月都已經試過病左成星期都唔好，呢次竟然仲要搞到要入埋院添～！！

返返下工突然覺得半邊身好痛同埋有痺o既感覺，於是就即迄去左A&E到睇醫生啦～！！
搞左接近五粒鐘時間之後竟然話要我留廠，幸好今次身邊有屈姐做第一主打陪我全程～！！

由睇A&E開始就陪到我入埋院先，之後就陸陸續續咁出現唔同人o黎探我或問候我～！！
或者好似阿仔咁講其實都係一種經歷，而且呢次仲俾我睇到身邊有邊Ｄ人真係關心自己～？！

首轉入院後o既時間當然就有屋企人到場，及後就到我MRU一班戰友同埋老闆到場探我～！！
平日一班有合作開兼關係好o既同事o黎係正常，但係我兩個老闆都o黎就真係有Ｄ意外嚕～！！

June姨同William哥哥就為同事界打頭陣o黎左，至於直爺同Michelle一連兩日都有o黎～！！
首日入廠時當然就仲有Tina同埋Issac都有到場啦，畢竟佢地兩位同我關係一直都係唔錯呀～！！

雖然部份親友或朋友因工作而未能到場，但佢地知道我出左事之後都有致電俾我關心一下啦～！！
表哥同表嫂一家一直有keep住問我情況，至於『愛人』、Angela、三妹及四妹就有向我問候～！！

另一方面重點主打就梗係會有掛牌成員到場，當中司欣同埋屈姐就於第二日上段有到場啦～！！
至於Phoebe，Jacky，大妹，阿仔就於第二日下段出場，而阿仔仲係特登由大陸趕返落o黎添呀～！！
同時間我新抱仔亦於同日正式出場，不過最令我估唔到o既就係佢未出牌就已經主動提出要o黎～？！
至於屈姐呢日上下段都有到場送野o黎俾我，同時佢地識得我o既家人亦透過佢地向我問候啦～！！

及後佢地陪左我過左一個好笑o既下段，當中新抱仔亦已經順利通過左一次幾難忘o既首回面試呀～！！
畢竟第一次見我就竟然係o係醫院之餘，同日佢仲一次過見左絕大部份掛牌最具影響力o既成員嘛～！！

至於Tracy、阿欣及堂哥都有於Facebook留言慰問，當然同日唔少得有我兩個家姐Wechat我～！！
而世俊、姐夫及秘書雖然暫時未能到場，但佢地都有同我聯絡過及表示稍後時間會o黎探一探我啦～！！

去到出院日當然就係阿仔守尾門，事因佢原定今日到場探我o既同時就係我終於可以出院之日喇～！！
正正因為咁樣佢就陪我出院返屋企，當然未離院之時就梗係同佢講下尋日一連串o既事宜先啦～！！
畢竟新抱仔隨即就會出牌成為家族掛牌成員，而且我都想透過佢口中去了解返尋日發生o既事情嘛～！！

佢地每一位o係我今次病期間除左俾我好多鼓勵同關心之外，同時佢地都為我帶黎唔同o既野～！！
好似係食物同飲品、雜誌、充電器等物品之餘，重要o既就係為我留院時間內可以苦中作樂呀～！！