尋日得知個仔周末將會返港，所以我就即刻同佢夾左星期六見左個面先啦～！！
事因宜家環境比較特殊同難夾到期，加上月中後期我就開始排晒其他唔同人o既約會～！！

今晚同佢都係出左市中心會面同晚飯，而是晚會面時間主打講o既野都係大家近況啦～！！
由於早前我一度出現好多負能量同問題，所以今轉我都有同佢講過早前o既事宜同埋感受啦～！？

點憶返今年至今o既時間裡面，我同阿仔都覺得本年度o既經歷同埋種種事宜都比以往差～！？
整體o既感覺都唔及以往咁精彩或者開始，甚至連我地想要求o既簡單同埋平淡都做唔到呀～！！

提到點解早前會出現呢堆問題之外，我都有同佢談到我曾經搵過其他人去講同試過做其他野～？！
但係我自己都開始覺得自己完全唔在狀態，甚至好多野都係為做而做或只係做緊一個唔係自己～！！

至於佢都有談到自己近日o既事宜啦，而我地今次都只係輕輕帶過佢生日同埋演唱會事宜啦～！！
畢竟稍後時間就係佢o既生日兼年底有Fred首個演唱會，所以我比較想將重點放o係呢到先～！！

但就由於佢有下半場o既關係，所以我地晚飯過後就各自各去做自己下半場要做o既事啦～！！
佢就去左同佢班朋友見面同玩啦，至於我就上左友愛到搵Jacky及Phoebe傾下計兼抖下嚕～！！

或者我只係想搵個地方俾自己停一停卦，加上同佢地傾下計兼笑下可能又係另一條出路啦～？！
是次會面我地都有講到肥豆將會結婚一事，原來我地三個o既睇法同埋感覺都好一致下囉～？！
加上傾下傾下就會有好多唔同o既野定到出o黎，而我地都一致認為肥豆女朋友真係好麻麻～？！

當大家都講完肥豆o既野之後，我地就開始轉為講下最近工作上同埋生活上o既問題啦～！！
我都有趁住今晚會面時間呻過下最近o既不快，但當然呢個就唔及阿仔咁有個完整版啦～！！
可能最近真係比較唔開心同埋多野煩啦，搞到我最近都冇咩心情去出席其他活動或飯局嚕～！！