原定月中時間o既會面因為阿仔有其他問題，最後我地就將個期改為今日會面喇～！！
至於今日o既行程方面又係玩全日，而且負責行程安排o既人今轉就交左俾阿仔去做啦～！！

早於尋晚佢已經同我通過電話，事因佢想問下我對於今日o既行程方面想有咩安排啦～？！
及後我地傾左一輪之後就決定同上次差唔多，所以今日有睇景、飲食同埋郊遊三部份啦～！！

上午時間由於我要先落去元朗剪頭髮，所以阿仔就約於12點左右o黎會面我一齊食lunch啦～！！
起初阿仔係計劃左同我去間餐廳到食點心，但事後因為我己身在元朗廣場而改食第二樣野～！！

呢段時間主要都係輕輕鬆鬆講下自己野，而且佢又想同我提出一個約期o既新方案先啦～？！
雖然佢呢個固定周期o既玩法係唔錯o既建議，但係一旦要實行起上o黎相信佢會比我難嚕～？！

加上佢又講到六月左右佢就要全程返大陸做野，每星期都只會o係假期時間先會留o係香港～！！
所以呢部份時間都要就住新生活方式再傾傾，事因我地都想夾左共識之後以免日後有咩要嘈交～？！
有見及此．．．我早前都已經開始將佢平日做開o既野重組，部份事務可以拆俾第二個人做～？！

其實今次首部份主要都係佢向我交代下佢o既家事，畢竟佢屋企都開始會有唔少變化嘛～？！
至於家族上面o既事宜方面，我都有抽第二部份o既時間一一咁同佢傾下兼且聽下佢睇法啦～！！
掛牌地震都已經唔係近期先發生，所以呢排人事上o既變動等o既問題都有藉此同佢講下啦～！！

飯後時間當然就要起程去另一目的地，而今次o既郊遊行程就係去我地都未去過o既南丫島～！！
入到呢到o既感覺當然同市區有好多分別，而且我地都有抽到重點景點去行下同埋睇下啦～！！

及後我地就轉戰至尖沙咀進行最後一部份，而呢部份就係由阿仔揀左間特色餐廳去晚飯啦～！！
其實今日第二部份時間同第三部份時間，談及o既事宜主打都係以生活、朋友及人生為主～！！

畢竟我地近年都先後遇過唔少事宜及問題，當中就梗係會有開心同埋唔開心o既事發生過啦～！！
藉住今日一一去分享下大家對唔同方面o既感受同睇法，而且呢排阿仔又好恨想拍下拖呢～？！
感情呢樣野年年都有講到，但係咪真係可以遇到一個自己真係喜歡又可以維繫o既亦係問題～？！

講到呢部份o既時候當然有提到『愛人』啦，可惜我可以同阿仔講o既係就只係遺憾兩個字～！！
阿仔絕對好清楚我性格同埋做法嚕，至於早前已出牌o既徒孫我亦有趁今次同佢講過下啦～！！

而另一原定我地年底o既韓國之旅，就住今日所傾到o既共識之下似乎最終又唔可以成事喇～？！
雖然佢已經提出另一個補償方案，但我始終覺得佢真係可以落實到一個實際時間俾我先再算～？！
呢個旅行計劃前後都講左三年有多，而早前曾經計劃過o既台灣之旅亦係因為佢而冇左下文～！！

隨住早前Phoebe生日飯局已成過去，下半年o既各個活動或聚會計劃亦會陸續開始要夾喇～！！
重點項目當然就先同佢講左六月單野先，及後就梗係要傾下我同佢o既年度生日計劃事宜啦～！！

至於我地晚上去o既餐廳係以婚禮做主題，事因阿仔知道我一向都鐘意d有意思o既野嘛～？！
呢到o既氣氛、感覺同裝修都真係幾特別，成個場都好o岩我地用o黎傾下心事同講下感情事～！！

至於最後部份我地就計劃左去食糖水，不過我當時又有d唔舒服兼時間上亦都唔係早喇～？！
所以我地就一齊行過去紅磡搭車返屯門，而呢次亦係阿仔近年度罕有咁送我返屋企o既一次～！！