對於表哥日前因為盲腸炎入院一事，我今日就親身過去佢屋企探過佢啦～！！
其實於早前知道佢有事之後，我已經隨即聯絡左表嫂查詢有關事宜o架喇～！！

及後我亦有同表哥傾下計兼問候下，到左今日放假就正式親自過去睇下佢啦～！！
成件事其實都發生得幾突然，事因佢o既唔舒服已經由早前o黎拜年當日開始喇～？！

雖然早前佢都已經睇左醫生，但情況始終未見有好轉而令佢自發性去醫院做檢查～！！
所以之後佢經過一輪檢查之後就真係要入院，事因佢已經正式被確診盲腸炎嘛～！！

至於今日我就o係下午過到去佢屋企附近，因為我今日都係搭960轉車過去嘛～！！
不過今次就因應要會合埋阿嫂先上去，所以我就決定轉780而放棄轉2X呢個搭法～！！

去到佢屋企就梗係首先問下件事，及後就全程同佢地傾下計兼講下年底計劃啦～！！
雖然今次件事已經暫告一段落，不過佢今次一傷就始終都需要ｄ時間先可以復原啦～！！

所以早前計劃左個港島行就要順延，不過年底o既韓國之行就應該會如期出發啦～！！
因為近年度一齊去旅行已經變左我地習慣，所以今年亦都唔例外會有相關事宜啦～？！

好耐都冇正式咁過o黎呢邊，所以今次一役就令我搵返好多以前細個o既回憶呀～！！
久違o既東區走廊同埋七年冇踏足o既柴灣道，今日呢轉行程令我感受返唔少曾經呀～！！