年度最後一個月少不免好多野需要完成，而今日阿仔就要面對卷四啦～！！
而呢份卷o既考法同卷一大致一樣，而唯一唔同就係我會送定50%分數俾佢～！！

今日我地兩個又出左尖沙咀行街買野，原定就只係幫阿仔買新衫褲裝身啦～！！
但係最終我地兩個都有唔少收穫，而且今日所有野都係由阿仔全數支付嚕～！！

出到去就首先食左個lunch先，及後當然就係行左唔少地方去睇衫褲鞋襪啦～！！
至於o係今日去程期間當然就傾左唔少野，其中包括明年度o既唔同計劃啦～！！
同時我地都有提到今年度o既各種事宜，當中就梗係涉及到唔少掛牌成員啦～！！

我地對於唔同o既成員有唔同o既見解，當然處理o既手法都係會有唔同啦～！！
今年已經於早前時間減左兩個掛牌位，而明年我就將會將收返一個特別位～！！

其實近年家族上大家o既關係，就連尋日同我會過面o既世俊都睇到有問題～？！
就連佢地兩個細o既都睇到唔少問題，我就更加知道問題係需要去解決嚕～！！

如果要呢到班人好似以前咁團結，我相信都已經係絕對冇可能o既事喇～！！
但係佢地到底又有冇為自己o既言行反思過，最後先將局面搞到今日咁呢～？！
至於減掛牌位或者收位呢個做法，都係最近兩年先開始行到呢一步囉～！！

如果唔希望自己係被離棄o既一個，我都只希望佢地對自己盡返少少責任囉～！！
畢竟好多前掛牌成員先後已經甩左牌，部份甚至搞到要o係退役名單出現～！！
到時候先開始知道自己失去左ｄ野o既時候，身邊人又會否一而再咁俾機會～？！

另外今日亦有提到生活事同埋感情事，主要都係由阿仔講下近o既事宜啦～！！
由於最近發生左o既事都有唔少，所以我地見面都會同對方講下呢一切事情～！！

至於月底o既兩個演唱會，以及稍後兩轉o既畢業外景相事宜都有夾過喇～！！
稍後時間就會正式再落實有關安排，而我地都希望大家可以開開心心咁聚下～！！

年度大部份o既計劃大致上都已經完成，我今日亦都同阿仔講左明年玩法啦～！！
畢竟佢都已經出道有十一年時間，所以來年要面對o既挑戰就肯定會更多呀～！！
加上佢又要開始出o黎社會工作添，無疑佢需要處理o既問題真係有唔少囉～！！

至於今日o既購物行程主打係尖沙咀，而行左幾個場之後終於有野睇o岩喇～？！
不過我最估唔到o既竟然係阿仔大手買入，所以我當場都真係打左個突嚕～！！
雖然我地今日都有講過生活及形象等問題，但我真係知道咩野叫大改變呀～！！

經過左尖沙咀o既大手買入衫褲之後，我地之後就轉戰旺角再買埋新鞋啦～！！
最終阿仔同我都係各自有野到手，而且我地買完之後仲覺得自己好癲添嚕～？！

而o係回程時間當然就講下明年計劃，其中之一就係講下去旅行呢樣野啦～！！
早前同表哥仍地傾左明年底去韓國自由行，所以我都有叫阿仔跟埋一齊去～！！