打大風前夕繼續去左友愛一聚，事關我地要度掂o黎緊o既聚會～！！
下星期日就係Jacky生日飯局，所以今晚就有提及想去邊到食啦～？！

雖然暫時未有最終定案，但我相信最終揀左咩大家都冇咩所謂啦～！！
至於呢次飯局將以簡單慶祝處理，事因Eddie同司欣要返工而未能出席～！！

而有關於1/10去海洋公園一事，今晚都有趁機同佢地兩個夾一夾先啦～！！
畢竟屆時個女仔要面對我地三巨頭，就算阿仔同場就未必可以救到佢嚕～？！
至於阿仔方面暫時亦已經夾過下，不過詳情就稍後o係佢生日飯局會再傾～！！

今晚要傾o既話題唔係太多，主因係我近日都因為呢個女仔而俾屋企人煩～？！
所以我先要諗辦法向身邊人求救，而且又要問問大家有咩對策可以做呢～？！

今晚過去主要係睇左〝被偷走的那五年〞，事因我早前已經有興趣想睇嘛～？！
無奈佢地兩公婆早前已經睇左，所以Jacky就download左俾我今晚去睇喇～！！
而呢套戲的確係有感人同反思位，呢類戲對我同Phoebe而言的確係有共嗚～！！

談到年度各個議案方面，我地尋日已經落實想於明年度一齊去返次旅行啦～！！
畢竟呢個計劃都已經計劃左好多年，但拖到今時今日都仍然未可以起行嚕～？！

而除左我地o既旅行計劃之外，本年度剩餘o既所有計劃亦都將會陸續出台～！！
我只係大家好好把握最後一季時間，為自己o既2013年留低更多美好回憶～！！