好快就到自己今年生日，而今年亦係我第一年計劃離港慶祝啦～！！
至於今次計劃陪我出行去澳門玩兩日一夜o既人，當然就梗係我個仔啦～！！

其實早段我地係計劃左三人行o既，至於最後一人正正就你我秘書啦～！？
不過佢就話驚o係我正日當日都要開工，所以就一直都未能落實此行嚕～！！

但係今日我接近收工時間，佢就無啦啦Whatsapp我話陣間o黎屯門搵我喎～！？
再者因為近日又晚晚都有波睇，所以佢我更加覺得佢唔會頂得住眼訓而o黎啦～？！
所以起初我一直都係以為佢吹下水咋，點知佢最終就真係收工後就入左o黎嚕～！！

就係因為佢特登入o黎o既關係，所以我就同佢出左去市中心到食晚飯啦～！！
見到面之後當然就問下到底咩事先，究竟因乜事而令到佢無啦啦走左入o黎啦～？！
點知o係一傾之下，原來佢就係因為o黎緊佢都會跟埋我地去玩一事而o黎嚕～！！

山長水遠由港島收工後入o黎，原來就係為左去澳門一事有野要同我會面去傾～！！
既然佢都話左當晚收工後就可以過去，所以我都趁今次先同佢夾好下ｄ野先～！！

事因我同阿仔當日早上就會去，而佢就需於收工後先過到o黎會合我地啦～！！
再者亦因為佢o既參與，我及後就仲要同阿仔再計劃下ｄ行程有咩要再執下啦～！！

至於是次會面除左傾澳門件事之外，當然近日同班掛牌成員有關o既事都有講下～！！
不過，今轉傾o既話題主力就係圍住屈姐向我借錢同埋Phoebe年底結婚o既事啦～！！
雖然今次會面o既時間同埋安排係比較趕，不過我地都已經叫做可以暢談一番～！！