年初至今都未正式有過任何聚會，今次趁住Tracy同Ken新居入伙就約埋聚下啦～！！
而且近日大家都同時收到Phoebe將於年底結婚o既喜訊，所以咪開心玩返一日啦～！！

我地一行九人首先就約左去市中心飲茶，而呢段時間開始就有好多故事聽喇～！？
事因今日將缺席活動o既詩嘉就成為目標，俾一班人圍埋一齊數落佢o既問題嚕～！！

雖然我地呢堆人都叫做圍埋玩左好多年，不過等級上始終都係有別o既．．．
至於今轉出席o既人多數都係玩得之人，而我今轉就變左o黎收風聽下ｄ是非嚕～！！

今日下午飲茶o既同時，其實Phoebe仲於日前特意叫我地去準備個生日蛋糕啦～！！
事因本月初就係Tracy生日o既關係，所以Phoebe就話打算咁樣同佢一齊慶祝埋～！！

到飲完茶又講完一大堆是非之後，我地成班人就轉戰佢地o既新居到參觀啦～！！
同時我地上到去當然會繼續傾下計o既，至於中段時間就會係玩game為主力喇～！！

最終又係一行八人分組去玩，最終我拍Raymond或阿大都好都成為左贏家喎．．．
不過上段就由Raymond拍我，至於下段就因為Raymond要早走而換入阿仔嚕～！！

至於阿仔就o係飲完茶之後，曾經離開過一段時間返去大學到交返份功課啦～！！
所以我地全日最齊人o既時間，就變左只係得上段飲茶傾計同埋慶生o既時段嚕～！！

玩左一排又笑左一輪之後，我地就轉為傾下Phoebe即將結婚一事啦．．．
由於本年尾就係佢地o既大日子，所以佢地兩位主角呢排都忙於籌備上o既事嚕～！！
至於我地身邊o既呢班好朋友，除左會替佢地開心之餘當然亦都係好關心件事～！！

每當講到朋友結婚呢ｄ人生大事，大家都會傾得好開心同埋好投入呀．．．
事因大家都覺得場面好難忘，而且作為佢地o既朋友見證到呢樣野亦都會好開心～！！

至於o係玩完一排game之後，我地就係時候計劃一下今晚o既八人晚餐啦～！！
最終我地都係決定左叫壽司及Pizza外賣o黎食，而於晚飯時間當然就繼續傾計啦～！！

好難得可以咁樣就keep住笑左一日，而且大家圍埋又玩得同傾得好開心呢～！！
雖然今轉未係正式可以齊晒人去玩，不過我地都會珍惜呢ｄ難得一聚o既好機會～！！