唔經唔覺第一季又完，而阿仔就揀左今晚去完成本月o既Monthly Gathering啦～！！
不過今晚除左我同阿仔之外，我地今次仲有另一個嘉賓同我倆一齊食飯會面喎～！！

至於o係我出席今晚飯局之前，我今日其實係要返公司加班返足全日啦．．．
事因呢排真係有好多野要跟同做，而且下星期o既我又要放一個星期大假喎～！！
所以呢個星期就只係得個忙字去完成手頭上工作，而且仲要盡早將其埋尾囉～！！

呢段時間日日要趕工真係好辛苦，所以我就更要盡早安排同阿仔會面囉～！！
事因三月過埋今日就會完結，所以我地都幾忙都係要抽個時間見面同傾下計嚕～！！

好無奈咁加完一日班之後，我最終都叫做可以將手頭上o既野盡量完成．．．
但係部份未能趕及於指定時間內完成o既，我就唯有將佢地交低俾同事跟進啦～！！

完左一日辛勞工作之後，我就好快咁趕返屋企到沖涼同換過個樣先再出去～！！
大約7:30pm左右，我就去到朗屏西鐵站會合埋阿仔同大妹一齊去食飯啦～！！

其實預定o既計劃係阿仔去搵位，而我就會合埋大妹先再一齊過去搵佢啦～！！
不過阿仔就因為唔識路去o既關係，最終佢都係等埋我地兩個先再一齊過去嚕～！！

至於今晚o既各個話題當中，我地主力就係以相處同埋愛情為主打啦．．．
不過o係未正式開始以上兩個話題之前，我地就先講下近日o既生活同家族問題～！？

談及到身邊一班掛牌成員o既事宜，除左係講下是非之餘亦有過唔同o既分析～！！
其次就由大妹講下佢近日o既事，同時我地亦開始帶出今轉想同阿仔傾o既野喇～！！

其實呢一堆又一堆問題，我早段時間已經分階段去同阿仔傾過同叫佢分析下～！！
事因o係相處呢個大題目上面，我地都係覺得有好多野係要學同埋去磨練囉～！！

同時藉住今次所傾到o既呢堆話題裡面，我亦有心同阿仔強調到某ｄ事宜啦～！！
雖然我同大妹都覺得阿仔o既表現冇問題，但係我地都希望佢可以繼續努力嚕～！！

誠信、上心同責任等o既範疇上，阿仔咁多年o黎都係持續有好o既表現啦～！！
同時佢近年o係Out-Look上面又有全新o既感覺，所以佢真係更加令人欣賞啦～！！

至於呢晚除左有既定o既飯局之外，我地及後又決定去食埋糖水先散啦～！！
所以我地就可以有足夠o既時間去俾大妹講野，以及向阿大暗示o黎緊o既考核～！！

我同佢地都知道要訓練出一個人才，係絕對需要一段時間去慢慢搞啦．．．
所以阿妹都同阿仔講，話我對佢咁多年以o黎都係向住呢個目標去努力進發嚕～！！

新人雖然話每一年都會出現，但係我地都概嘆宜家新人o既質素真係好參差呀～？！
以前o既新人只要肯俾時間同心機去努力，佢最終都會一步一步咁向上爬到～！！
但係睇返近年掛牌成員o既變動，我地都覺得以前o既年代真係遠比宜家o既好嚕～！！