一連十個月o既Monthly Gathering終於都o黎到尾聲，感覺上真係有ｄ唔捨得o架～！！
話晒今次o既埋尾就係代表住佢即將離開，之後就要開始全新階段o既考驗喇～！！

但由於今次會面要傾o既野眾多，所以我地都仲要約下星期二傾多一轉呀～！！
至於今日會面所傾到o既野，當然就係近日同及後公事上o既變動同埋睇法啦～！！

由於佢同肥仔會先後於十二月及一月離開，所以未來數月都會有好多變動啦～！！
但係近日o既時間之內，我地都已經睇到有唔少問題即將出現及準備翻炒喇～！！
所以今轉我地都有傾下聽日o既對策，期望可於短期內整頓好班麻煩同事啦～！！

雖然我地都知道未來肯定會地震，但我可以做o既事就只有抽身唔理嚕～！！
至於佢就會教埋新接捧o既隊長點樣應對，希望佢可以控制好個新局面嚕～！！

另一方面．．．
我地日前經過左五日o既冷戰期，今日就係時候o黎個互撼後o既檢討喇～！！
對於呢五日o既相處裡面，佢的確係有唔少疑問同埋有去諗過相關o既問題啦～？！

所以o係呢五日裡面，佢的確係有嘗試過企圖去同我講野或眼神上o既接觸～！！
無奈我呢五日o既態度都非常之強硬，所以咁樣一撼之下就搞到大家都企硬嚕～！！
兩個都有立場兼企硬唔認輸o既人互撼，呢轉都真係我首次有o既經歷呀～！！
而為左我地之間互撼呢件事，原來身邊班同事都非常關心同埋有出手問及～？！

講返點解有咁o既局面，重點原因就係星期五收工前後o既對白問題喇～！！
佢話當日聽到我問佢有冇野同我講o個陣，佢係打算收工後問我點解五日唔睬佢～？！
點知佢就話因為我及後o係電話到o既態度問題，而令到佢興爆而發脾氣喎～！！

但係經此一役之後，佢反而就覺得呢次經驗會令我地之間o既了解多左喎．．．
最起碼大家都知道對方性格係咁，但硬碰硬之下o既後果最終又會係點樣囉～？！
同時．．．今日佢又提出一個好問題，我地到底係咪算係好了解對方呢～？？

講真啦．．．經過呢一年多o既相處，我地之間o既了解就梗係唔少啦～！！
正正就係因為我地都重視同在乎大家，所以我地先會有咁樣o既反應出現～？！

而今轉係最後一集，所以今次個主題係〝那個月，我們一起吃過的下午茶〞～！！
呢個主題其實係佢早前諗好，話希望第一次同埋最後一次所做o既野o黎個呼應～！！

亦都正正係最後一集o既關係，所以我先更加唔想浪費時間去鬥氣囉．．．
呢集原本計劃係開開心心做返個回顧，但係點知最後竟然變左做翻舊帳嚕～？！

而當我講到呢次係最後一集o既時候，佢就突然間變得好大反應喎．．．
佢突然間就好強調咁同我講話，今次只係我地o係青山階段o既最後一集～？！
之後仲有好多唔同階段及集數，佢叫我唔好企圖終結或扭曲有關o既承諾喎～！！
佢叫我唔好諗住o係呢個位劃上句號，事關佢會o係後面加個省略號喎～！！

另外．．．
我地今日除左追返唔少舊數之外，同時又提及到呢年內部份o既事宜啦～！！
今日除左係我地最後一集o既埋尾，同時亦係〝巨聲３〞o既最後一集（決賽）～！！
仲有就係270A即將加直o既同時，就係換走我同佢首次一齊搭o既HT9462囉～！！

忽然間．．．
我地都覺得好多野都好似係整定咁，而呢一切都想話俾我地知及後就係新開始～？！
而對於今日呢轉o既埋尾及會面，整體而言都令我覺得非常之滿意同開心啦～！！

雖則我地之前晒左五日去冷戰，但如果換o黎係提升左了解度都叫做值得啦～？！
而o係今早未開始會面之前，我係有諗過今日o既會面係咪有需要取消呢～？？

至於相關o既諗法，我亦有o係我地食野期間有所提及兼問下佢o既睇法嚕～？！
一講之下．．．佢就話如果我主動提出取消呢個期，咁我地之間就真係玩完喇～！！

而佢就當然有提出理據去同我講，話如果呢次真係要搞到取消o既話．．．
就係我唔尊重我地之間o既約定之餘；仲係我唔俾機會佢去解釋今次個誤會囉～！！
同埋最後一次都搞到要取消o既話，咁樣我地就真係唔會再有以後喇喎～！！

不過佢亦都有提出一個要點．．．
就係如果我繼續堅持唔理佢o既話，佢都會o係last-day前主動問我到底有咩事～？！
不過我就同佢講．．．如果要去到最尾一日先講，好多野會否已經太遲呢～？！

未來最後七日o既相對，同時又係一個考驗同埋一個重要o既經歷喇．．．
有冇將來真係好睇彼此間o既造化，埋尾當然就係重申一次大家o既諗法啦～！！｜
難得大家都花左唔少時間同心機去維繫，當然就梗係希望仲會有將來啦～！？

雖然全新o既玩法同埋共識，今日仲未有足夠時間去認真咁傾一次啦．．．
但我就相信呢次風波o既發生，無疑係提升左我地之間o既感情同定位囉～！！
因為要做到A級水準及家人o既定位，的確係需要經過唔少o既考驗先可以做到～！！

而我對呢段關係o既睇法係點，當然臨寺之前都梗係有同佢講左一次啦．．．
而佢就話．．．我地呢段關係其實係非常之好，但又非常之麻煩囉～！！^.^