自上星期日晚Whatsapp之後，我同佢就冷戰左五日時間囉～！！
而o係呢五日返工o既日子裡面，我係完全冇同佢講過半句說話呀～！！

呢件事發生左之後，身邊一ｄ相熟o既同事都察覺到有問題出現．．．
而我亦都有選擇性咁同部份人傾過，所以亦都收到唔少意見同埋睇法～！！
除左身邊相熟o既同事之外，當然自己班掛牌人o既意見先係重點啦～！！

至於佢o係呢五日之內，當然就梗係有試過出手瞭返我同佢講野啦．．．
不過佢先後兩次出手都失敗，事因我都要俾佢知道我係絕對有立場嚕～！！

佢首次出手就扮晒野同我開話題，諗住好似平時咁叫下我就以為會冇事～？！
呢轉o既我就梗係俾左個好冷淡o既反應佢，好求其咁應左佢一句就算數嚕～！！

至於佢第二轉出手就仲無聊，拎住份明係識做o既文件埋o黎問我應該點做～？！
呢轉o既我只係答左佢一句重點filing，就隨即令佢好冇癮咁自行離開左囉～！！

至於最後一個機會，就係我特登o係星期五收工前問佢有冇野想同我講啦～？！
其實我最初連呢個機會都唔想俾佢，但係當中有人同我講過話試下咁做啦～！！
所以最終我都俾左呢個機會佢，無奈放工後o既電話對答當中真係令我好失望～！！

我一心諗住如果呢五日裡面，佢係有為有關o既事宜去諗過o既話都算喇～！！
我只係希望俾呢個機會佢，試下佢經過呢五日冷戰後係咪有去反思過～？！
縱使佢係好求其咁答ｄ中野或講下野o既話，我都打算俾佢就咁過關o架喇～！！

點知佢最後一轉都唔肯做返ｄ補飛動作之外，竟然仲對住我發脾氣囉．．．
其實佢呢個星期o既表現裡面，我係睇得出佢對住我有幾無奈同埋冇癮嚕～！！

早前既然已經試過發晒癲咁鬧都冇效，咁我今次咪唯有轉用唔睬o既方法囉～！！
夾左成年都冇咩特別問題發生，但係埋尾呢段時間先有咁多問題出現～？！
講真．．．就連我自己都覺得好荒謬，甚至連我都唔知究竟發生咩事呀～？！

一直表現都處於高水平o既佢，淨係呢個月同佢已經鬧交多過食飯呀～！！
得返最後七日真正對住佢，一旦情況未有大改善o既話就真係唔需要講將來喇～！！
我都唔希望佢將自己努力爭取返o黎o既野，呢個時間先將佢一手推翻晒呀～！！
 
明星

當你見到天上星星　可有想起我
可有記得當年我的臉
曾為你更比星星笑得多
當你記起當年往事　你又會如何
可會輕輕淒然嘆喟
懷念我在你心中　照耀過

我像那銀河星星　讓你默默愛過
更那柔柔光輝　為你解痛楚

當你見到光明星星　請你想　想起我
當你見到星河燦爛　求你在心中記住我

當你記起當年往事　你又會如何
可會輕輕淒然嘆喟
懷念我在你心中　照耀過

我像那銀河星星　讓你默默愛過
更那柔柔光輝　為你解痛楚

當你見到光明星星　請你想　想起我
當你見到星河燦爛　求你在心中記住我