由於個人已經病到頂唔順o既關係，所以今日就唯有請病假一日啦～！！
起身睇完醫生之後就返屋企食野同食藥，及後就要開始休息一下喇～！！

因為我今日放左病假o既關係，所以對於今日公司o既野係一無所知．．．
我只係知道阿俊o係Facebook到打左ｄ野，而之後就收到Tina來電問我咩事喇～？！

其實我今日返唔返工都好，『愛人』收工之後都已經約左我出去食飯同買野．．．
而佢今日收工後重點要做返o既野，其實就係做返原定安排左o係尋日o既事啦～！！

我地約左6:00pm左右o係新墟等，事關今日要陪Marcus去左剪頭髮先．．．
而我地o係到等緊Marcus剪頭髮o既時候，我就梗係問返『愛人』今日ｄ公事啦～？！
幸好今日都冇咩特別野發生左，不過佢話老細今日又有一大堆新諗頭嚕～！！

另一方面．．．今晚約得出o黎就梗係要補返做尋日要完o既事啦～！！
所以我地及後就過左市中心食個晚飯先，之後就陪『愛人』去置新裝喇～！！
佢都係好求其咁買左ｄ野就算，所以o黎緊o既日子係應該仲要走多一轉嚕～！？

叫做搞掂晒佢地要搞o既野之後，我地就去搭車返寶田到搞清潔啦．．．
因為佢地想於八月初就正式入主呢到，所以呢個星期就點都要正式埋尾～！！

分頭搞過下間屋ｄ清潔之後，我地三個男仔竟然一齊o係到睇電視囉．．．
而『愛人』仲話呢個感覺好有家庭feel，至於我今次都係首次同佢地咁做咋～！！

另外．．．今晚『愛人』就係咁同我講，話恭喜我已經打破左個隔膜～！！
因為我首轉已經令到Marcus好接受我，而今次第二轉就更加傾得玩得添～！！

其實我今次可以打破Marcus一貫作風，就連『愛人』都話好佩服我喎～！！
因為能夠只係用一轉就成功做到佢朋友，咁多年內都未試過有呢個紀錄喎～！？
同時『愛人』都相信以阿俊、肥仔同埋Tina三個o既個性，亦根本唔可能會做到～！！

雖然話人夾人緣．．．但咁快手就令我地成為到朋友，我都真係覺得幾驚訝～！！
再加上我呢種慢熱o既個性，以往肯定要見多幾次兼熟左ｄ先開始有野可以講～！？
所以今次能夠同佢地只係見左一次就已經一拍即合，呢種感覺其實都唔錯呀～！！