今日下午原本諗住出去旺角搵禮物，但係點知俾人急召返屯門～！！
所以o係我一收到電話之後，就隨即好趕咁走去車站搭車啦～！！

點知咁o岩遇上封路搞到大塞車，所以等車都等左勁耐囉．．．
想搭o既車一係就唔出現，一係就成堆咁湧返上站頭載客返入去～！！

今晚俾Angela約左我同埋大妹一齊食飯，而會合地點就揀左市中心啦．．．
唔知係咪真係同經濟好轉有關係，今日行街真係特別多人同埋迫呀～！！＞＜”

而且今日市中心又好多商舖都玩大減價，所以咪搞到呢到更加迫囉～！！
我地行左一排街兼又吹左一排水先去食野，趁食野就梗係講下近況啦～！！

由於日前已經同阿妹見過，所以呢次就梗係交俾Angela去講下佢o既事啦～！！
三個人約埋一齊食飯就梗係咩都傾下，當然部份敏感性話題就除外啦～？！

至於o係完左飯局之後，我地就先送左Angela去西鐵站搭車啦．．．
期後我就同大妹講下秘密，最終我o係佢身上係叫做搵到答案同方向啦～？！

有時候有ｄ野o既出現，都真係要講時間o既對錯同埋緣份囉．．．
如果命中注定左係你o既，始終都會有一個合適o既時機去成就呢件事嚕～！！