四個樂壇頒獎禮於今晚過後，就已經頒晒所有年度獎項喇．．．
今年o既賽果同上年別無兩樣，而我都係叫做求其得個知字就算喇～！！

同時．．．我估唔到今晚竟然又出現一個奇蹟，令我搵返ｄ舊日o既感覺～！？
自從多左用SMS呢個方法之後，我地都已經甚少用到MSN去傾計喇～！！
至於電話就更加係好少用作溝通渠道啦，因為佢本身都唔喜歡講電話嚕～！！

其實用MSN呢樣野，宜家對我o黎講或者只係一個好普通o既習慣．．．
我諗好大可能係因為心態已經唔同左，就算係開住佢都未必係好想講野～？！

病左都有成個星期時間，直到宜家把聲都仍然係未完全好得返晒～？！
而今晚都算係我近期最夜訓o既一晚，所以就巧遇到個仔都同時有online啦～！！

起初我都唔為意佢有on到，因為我本以為佢唔係出左街就係唔on啦．．．
今日畢竟都係假期啦，而且佢一向又係多約會多到ｄ期都冇位塞o既人呢～！！

至於今晚．．．
我地都同樣有睇今晚TVB個頒獎禮，至於獎項方面就梗係冇野好講啦～！！
特別係某ｄ大獎o既頒發，就更加係同上年一樣令我覺得係唔使覺得怪嚕～？！

我地除左講到頒獎禮賽果之外，另外仲談及到近日一件家族大事啦．．．
因為屈姐某個訪問片段俾人擺左上網，而及後就引起唔少掛牌成員o既關注～！！

就住呢個問題，我知道好多掛牌成員都已經睇左有關片段啦．．．
所以今晚亦有同個仔傾過下，同時亦可以從傾計之中聽聽佢o既睇法啦～！！

其實．．．近年時間，我同佢用MSN傾計o既次數已經大減左好多～！！
除左因為我地時間上唔夾之外，佢又表示因為某ｄ因素而令佢減少左用啦～！！

科技越係發達就應該越係方便，但係呢個方便就好似換o黎相處o既距離咁～？！
我地係咪應該都要反思一下，點樣適當去應用科技至係最恰當o既選擇呢～？？