今日老細請大家食晏，原因好似話係春茗喎．．．
同時今日亦係一位好同事最後一日返工，所以大家都有不捨～！！

雖然同佢冇乜合作機會，但我地都相處得幾好．．．
另外我地雖然共事o既時間短，但大部份同事都係好錫佢嫁～！！
即將轉投屯醫升職o既佢，日前已經請晒我地圍內o既同事食飯囉～！！

舊人去而新人來．．．
近日經常都見到呢類o既場面，所以我都有幾多感觸嫁～！！
希望佢可以有好o既發展之外，同時亦都希望新人可以好好地啦～？！

我地部門已經叫做唔係大，但係是非就真係多又煩．．．
佢地同老細之間o既問題；同事之間o既合作問題都令好多是非發生～！！

返到公司o既感覺，就只有煩同悶囉．．．
唔係做野o既辛苦令我想後退，反而係人事鬥爭令我感到煩厭～！！
甚至因為呢ｄ種種o既問題，而令到所有人o既心情同脾氣都變得唔好嚕～！！

唔好話係同事間o既心情差，佢地o既問題仲搞到老細心情都差埋～？！
好多時．．．同事又同我講呢樣講o個樣；而老細又會同我呻下～！！
聽埋聽埋太多野喇．．．老實講啦，呢種合作關係真係好討厭囉～！！

我唔知自己可以點做，先可以令自己過得開心ｄ囉～！？
我唔想再去理咁多是非，而只係想每日做好自己野就準時收工～！！
身處宜家呢個角色o既我，我都已經唔知道係好定壞喇～？？

老細同埋同事兩邊都要平衡，不過相信宜家都好難做到喇～？！
佢地o既關係同信任度已經不復從前，相信此情都已經不再喇～！？

所有野都會出現轉變，所以身邊o既人與事都冇永恆．．．
我地冇辦法令時間留住同返轉頭，唯盼自己o既路唔好落錯決定啦～！！

隨住時間o既過去，好多習慣都要改變．．．
不論係人定係車都好，好快就會出現一個新o既局面～！！