今日．．如常咁返工同放工．．．
不過o係我放工之際，就收到一個突發消息嚕～！！＞＜”

大約５：００ｐｍ左右．．．
三少拎返部ＡＶＷ來俾我，並講下今日校內情況～？！
但出奇一事就係，今日二少竟然缺席喎～？？

講到呢到，我覺得有Ｄ奇怪囉．．．
宜家係考緊期終試o既時間，照理唔會無啦啦唔返唷～？
於是我就打去佢手提，諗住問下究竟係咩一回事啦～？？

因為咁．．．
我先知道佢冇返學原因，係因為佢尋晚突然入左院呀～？＞＜”
跟住我同三少就即刻折返屯醫，而我就即去Ａ＆Ｅ查下紀錄喇～！！

查到之後，我同三少隨即趕上病房喇．．．
見到佢o個陣，我都打左個突同埋覺得好擔心唷～！！＞＜”

尋晚，佢仲好地地咁同我講笑，傾電話囉．．．
估唔到尋晚半夜，個仔就突然入左院添囉～！！

而佢今次係因為急性盲腸炎入院．．．
佢做左好多檢查，搞到佢殘晒；而且佢仲叫晒辛苦呀～！！
另外，佢於今日１１：００ａｍ左右仲做左手術添嚕～？＞＜”

唉唉～呢排佢地又要考試；又大把野忙．．．
而且遲ｄ佢地又要出席我生日活動，而近日又要做搞手添～？

講返正題先啦．．．
當我同三少上到病房時，見到佢個樣都已經嚇到呆左～！！
而三少仲話，見到個二哥宜家咁樣，就乜仇恨都冇晒嚕～！？

去得探佢．．．我地當然會問佢究竟係咩一回事啦～？？
我主力都係同佢傾下計，講下笑，安慰下佢啦～！！
而三少．．．就企左o係一邊呆望住個阿哥囉～！！＝．＝”

後來，二少突然話口渴想飲水喎．．．
於是．．．我就叫三少餵佢阿哥飲水囉～！！

而我同個仔傾計之時，個仔突然喊左出o黎呀～！！
佢擔心因為自己今次入院，會影響考試成績及升留班嚕～！！
唉唉～我都好明白個仔宜家o既心情囉～！！＝．＝”

傾左陣之後，我同三少就折返我屋企搞Ｄ野喇．．．
因為我驚個仔住院會悶，於是打算返家拎部ＭＰ３俾佢喇～！！
而三少就同我一齊諗諗，商議下揀Ｄ咩歌俾二少聽唷～？！

隨後，我地再次返去屯醫．．．
但由於當時佢屋企人在場關係，故我冇入到去～！！
所以，我就將部ＭＰ３交俾阿三拎入去並了解下今次件事～？！

另一方面．．．我地已經通知左阿大同細佬彬是次件事唷～！！
而阿大亦會於聽日放學後再同阿三齊齊去探阿二呀～？！
當阿大聽到阿二入左院一事後，佢o既反應都顯得幾擔心嚕～？！

聽日，我地幾仔爺都應該會再去睇下阿二．．．
希望個仔可以盡快好返，快Ｄ可以健康咁參與活動啦～！！

一直以來．．．
大家都覺得我個心到底都係會選擇阿二嚕～！！

但話又要講返轉頭．．．
呢四年裡面，我同佢之間的確係經歷左好多野～！！
過程中當然係有喜有悲，亦都經過多次離與合囉～！！

咁辛苦先至捱過咁多考驗同難關．．．
或者亦係因為咁，所以更令我地之間o既感情變得深厚～！！
無疑．．．由此至終呢個仔對我o黎講都係最重要～！！

雖然我身邊仲有另外三個仔．．．
而佢地亦分別俾左我好多難忘o既回憶同經歷～？！
但我．．．始終都係唔想呃自己囉～！！

『最好o既未必係我想要；而我想要o既亦未必係最好』
另外三個，佢地o係過程中的確都係有付出同努力過囉．．．
同時因為咁，亦令我更加覺得對佢地唔住囉～！！
佢地咁努力去爭取同付出．．．但到頭來可能係咩結果都得唔到～？

至於阿二方面．．．
我同佢之間，始終係有住其他三個都冇o既o個種感覺～？！
宜家o既我地，終於都同時覺得對方o既重要嚕～！！

從前．．．
有人因為佢o既一切（表現）同我講過好多野，叫我放棄．．．
同時，佢地亦曾勸我去重新選擇（當時）身邊另一ｄ重要o既人～？

或者．．．
因為我o既堅持，我終於得到一個我一直都期待o既成果啦～！！
雖然我唔知我到底有冇揀錯，但我絕對唔會後悔囉～！！

特別經過左今次一事．．．更令我體會到人生o既無常～！！
更加令我學識左『珍惜生命，珍惜健康，珍惜身邊人』呀～！！

眼見佢辛苦咁訓左o係醫院．．．
我個心．．．突然有種好強烈o既心痛同不安o既感覺囉～！！
可能．．．呢個就係我心裡面一直o既『答案』啦～！！？

＊＊能不顧代價始終等你　是好勝　或這麼好記性＊＊