自三月份開始，阿三同阿五已經開始緊上補課．．．
每個星期六及日都安排左唔同科目俾佢地上嚕～！！

而今個星期，就係佢地測驗之期．．．
所以每日放學後，佢地都有加左堂溫書啦～！！

因為咁，今晚我地一行四人齊齊約埋食飯喎～？
今次就有我，阿三，妖人同大妹囉～！！

成個下午，我地都o係屯門碼頭o個邊．．．
主要係因為要睇住阿三同阿五溫書兼教野唷～！！

搞到大約６：００ｐｍ左右．．．
阿五就已經搞掂晒所有野兼夜晚要去練波關係．．．
因此佢就先行離開，而我同阿三就等埋妖人先一齊走喇～！！

隨後，我地先返回建生放低ｄ野先．．．
到大妹都返到來之時，我地就去左〝仙桃源〞食野喇～！！
食野期間，我地都不忘要吹下水兼爆下笑嫁啦～！！^.^"

食完野之後，我地就去左盈豐行左一陣．．．
隨後就返去妖人到上（ＢＩＯ）堂喇～！！
不過唔知點解，阿三對住妖人就會好不其然咁硬晒～？＝．＝”

阿三就一路溫書，我地就各自做下其他野．．．
到佢溫完晒；認為可以考問之時，妖人就會問佢喇～？！
不過佢都係死左o係妖人手上，最後決定聽日繼續～！！

但期間，佢就覺得好開心．．．
因為o係妖人屋企，佢屋企人都非常之搞笑嘛～！！
而且整日來講，阿五ｄ行為亦十分好笑嚕～！！^.^"

呢排阿五補課之時，佢表現亦相當不俗．．．
除左識回答問題之外，而且佢亦顯得非常活潑呀～！！

另一方面．．．
今日９：４５ａｍ左右，我收到阿二個來電呀～！！
佢打來主要同我傾下今日ＭＡＴＨＳ考成點．．．
而且仲同我傾返下有關阿三考試期間o既所有問題呀～！？
傾左大約一個鐘左右，我地就收線喇～！！

不過o係傾電話期間，我都已經話左佢近期部份問題．．．
而阿二亦已經應承左我，佢會決心去改善呀～！！
講真啦．．．阿二最近o既表現的確真係好左好多囉～！！

對比以前好多方面o既事情，佢都明顯有好大改善．．．
或者．．．佢知道自己身為二哥係應該做好榜樣～？
又清楚知道自己o既行為若有問題，其他三兄弟都會受牽連～？

雖然佢地間中仍然可能出現ｄ小問題．．．
但係對於呢期四個仔o既表現，我都感到非常滿意唷～！！