又黎到一個週末晚上,朋友仔由香港遠道而黎,話想見下肌肉猛男,好丫,橫掂咁耐無見,都係時候補給下變態能量。

打去某club,佢話散台full哂,噢...
不過香港朋友仔唔信邪,懷住鐵柱磨成針既精神勇闖某club。
皇天不負有心人,去到咁岩有班鬼仔走,咁就有得坐有得睇喇。

一如以往,肌肉男出黎跳跳跳除除除,同以前唔同既就係,今次星期六去,多左好多人,觀眾又比以往開放,其中一個肌肉男竟然同個女FANS跳到拿起個女仔件衫,雙手按住佢個胸,哇............................

乜原來星期六晚d人放咁多架...

成晚舞池都勁多閒雜人等,多到連肌肉男係邊都睇唔到好鬼煩...
行開啦...我黎唔係睇d著咁多衫既人架...
後來終於有工作人員好似牧羊狗咁趕走d人, d人面矇矇咁裙住個舞池繼續郁郁郁... 果d面矇矇好似同隔離d面矇矇做左新朋友,恭喜哂...

今晚都有女仔跳,不過個女仔唔同左喎~有野睇好多~
唔再係中國女仔著得多過我,而係三點式加短裙鬼妹,不過條腰同我差唔多粗...
但係都有返兩條腿,其實唔緊要,最緊要夠放。

個鬼妹都ok, 第二次出黎仲著t-back,哇~成個pat pat滑嘟嘟白雪雪見到哂~
仲除埋bra添... 放過之前d中國女仔好多...
仲用咀擔走個觀眾含住係咀d錢添喎~

又到肌肉男出瑒,以... 又係上次個黑無事, 今次d觀眾咁狼胎,我見到佢成日望住睇場班人果邊,用求救眼神望佢地,但係都無人理佢... 真慘...
黑無事跳緊果時,有個人係咁用相機低角度炒上去狂影,以,咁熟口熟面既...
原來係my favorite陳豪猛男,以,乜佢著住puma衫咁casual,唉...佢今次即係唔上去跳喇...

但係真係超靚仔... 好暈... 佢唔跳我都暈...

完了。
總結係今晚唔好睇。