我就係一個咁既人，對住位高權重既art director都可以一野直不甩問點解咁，之後竟然當場喊左出黎，直腸直肚情緒爆發一滴都唔到可以delay到咁既地步。

點解我會咁得果堆人憎，話自己完全無問題咩？我的確又係有問題，一唔鍾意就擺哂上面甚至開炮「啡」人，一遇唔開心都係咁搵人呻，一受質疑就搵人幫我判斷。如果話我唱人既話，我都只係對熟人狂鬧狂呻狂問，除左呢堆熟人，我仲可以對得邊個講？朋友我唔多，又慢熱，對唔熟既人我都尷尬怕羞唔識出聲。點解我會變左做唱人八婆，只怪我未睇清楚是敵是友就呻左先。

另一最佳例子畢業雞展書比某sir改我design即時忍唔住對另外某sir狂啡哂出黎，當場比某sir聽到即時對質。其實咁樣更好，三口六面有咩唔怕講清楚，我衰我會認，你衰就咪鬼同我撐得咁應，總好過收收埋埋陰滋陰滋放蛇落毒。

但係最諷刺既係呢班人而家都做緊佢地批判我既野。比人唱我唱人，都幾好笑。而家係公司未埋位先比人放蛇落藥，連老闆都知我地不和。
(鄭重聲明：我真係無唔妥佢，一直真心對佢好。上堂無啦啦走埋去佢度睇佢功課雖然指指點點，但係真心想佢好提出意見。唔係話自己好叻，但係就自己見到有問題咪幫到咪幫。劇情發展至而家呢一刻我都無憎過佢，覺得佢只係一隻純情既牛受人唆擺，人憎佢又憎。同埋真係好詫異同唔開心原來咁耐以黎佢係憎我憎到咁既地步。)
成件事我一滴聲都無一出過，無鬧佢既打算無同老闆打小報告既打算無憎佢既打算，仲專登對人好只希望日久見人心做好自己野。
可惜我越想討好越比人覺得討厭，我是知道的。

其實我真係唔介意當面對質 ，不過算，唔好理咁多，就算幾困繞都唔好再搞任何野，呻都唔好隨便呻，忍住。大個喇，學識睇開d，over all成件事黎睇，咪就係臥薪嚐膽囉。越辛苦既時候其實越係成長緊既時候，係難挨，但係挨得過呢關，學識應付，以後就唔洗再驚是是非非。

That’s all I Have to Do.
Amen.