踏入四月，身邊大量朋友突然相繼失戀，真有點措手不及。

其實，你地已經算係幸運既一群，因為可以過有伴侶既聖誕、新年、情人節等標誌住幸福溫馨既大時節，以及最適合擁抱既冬天。

記得當時其中一個幸福既你，情人節當晚係msn入面問候我既近況，而我既回應，就係一句「我唔想同有拖拍既人講野。」此後，我們失去聯絡已經有一段日子。

你睇，五月喇，又係新季節既開端，失戀既女朋友仔們唔洗怕，我地仲有時間裝備自己，可以準備去著夏天專利既小背心短裙仔去迷惑身邊既男生；而男朋友仔們，又可以係一眾樂於展示自己既女孩子中，找出你心儀既一個，進行一連串浪漫既攻勢，發展一段新既戀情。

又係一個春情蕩漾既季節。

雖然季節轉換之間，難免會有失落寂寞既時候. . . . . .
而我，係你地還幸福快樂既日子裡面，早已經係寒冷孤單既冬天，被迫學習自食其力，賣火柴維生。
所以，而家既吹時，可以帶住上季賣淨既火柴，去燃亮你地艱難既日子。

靜心等待啦，開始換季架喇，the best is yet to come.
我知呢句說話由我呢個白等左兩年既人講出口係有d欠缺說服力. . . . . .
點都好，至少有我墊你地屍底，唔洗驚。

萬物運行，必有規律。而我又知道，夏天一到，吹時既火柴將必再次埳入滯銷既局面。所以唔緊要喎，我寧願將我既火柴為你地燃燒殆盡，總好過自己一個人，望住火柴們，因為我質重於量既無聊信念而逐漸熄滅。