而家每日三餐已經分唔到邊餐叫早邊餐叫午邊餐叫晚。
早、午、晚、三點三、宵夜、更宵夜都有。
第一餐下午麼麼茶或比卡超，第二餐高朋滿座，第三餐晚間新聞或娛樂直播。

每當深夜工作既時候，坐係電腦面前，做到一定時候，就會感到隻痞屎同keyboard會拮手，唔想繼續渣住佢地，又或者唔想對住一個叫做word既程式版面。
呢個時候，就要抖抖。

而我抖抖既方法，好揀唔揀，偏偏就係食食食！罪過罪過，每晚都宵夜。

﹣食左真係幾開心既繽紛樂
﹣永遠都係選佢為冠軍杯面既海鮮味合味道
﹣無聊就會搵下康師父
﹣澳門手信極品紫菜肉鬆鳳凰卷
﹣兒時回憶既樂天朱古力餅餅
﹣有得散裝唔洗一次食哂又好味既雅樂恩藍莓味餅乾
﹣人乾乾就沖下爹娘由養蜂場帶返黎既新鮮蜜糖
﹣口淡淡就促進下腸胃健康益力多. . . . . .

好運起黎，仲有爹娘既親切的宵夜，吞拿魚夾餅、雲吞面、番熱既大大碗湯. . . . . .
睇黎，我肥硬。


點算呀~~~~~~~~~~~~~~~~~~~~
唔想食咁多野呀~~~~~~~~~~~~~~~~~~~~~
但係一做野就好想食呀~~~~~~~~~~~~~~~~~~~~~~~~
夏天黎喇~我仲要著三點式架~~~~~~~~~~~~~~~~~~~~~~~~~~~