我到底發生咩事？！由幾時開至我變得咁爛訓？不能自己地爛訓！

我已經因為爛訓而miss左好多次朝早要做既野，例如開會、睇醫生、食飯等. . . . . .

每次鬧鐘響其實我都聽到，但係無奈我既意志就好似岡本ok咁超薄(聽聞)，未能戰勝阿睡魔。
我係離譜到識得搵返個電話出黎，睇下幾點，熄左佢，再沉沉睡去. . . . . .

但係每次睡醒既時候，我都為我今朝所做既以上動作而深深懊悔。

我唔想每朝返學都因為趕時間而搭的士呀，我唔想成日放人飛機呀！但係呢一切我都好似著左魔咁被操縱得失去自己。

我以前明明唔係咁架！我實習之前明明可以鬧鐘一響即起，真係覺得而家既自己好失敗！

就算我搵朋友仔打電話叫我起身，但係我竟然識得表面扮起身，等朋友仔以為我真係起之後就收線再訓過！！！離哂譜！！！
朋友仔都已經叫到唔好意思，於是，呢個方法又比睡魔道高一尺魔高一丈地擊破了. . . . . .

朋友仔！唔好咁輕易放棄呀！果時果個唔係吹時黎架！果個係縛架我身體黎進行睡眠修練既魔鬼黎架！！！你地唔好咁輕易相信佢呀！一定要拆穿佢之後救我起身呀！！！



救我起身既勇者必須具備以下條件：

1. 唔會輕易相信假扮吹時既魔鬼。

2. 有無限創意，以層出不窮既方法黎召喚吹時起身，否則同一方法魔鬼好快就會適應，跟住呢個方法就失效架喇！

3. 要有無比毅力，叫到我起身為止。


魔鬼每日都擺好擂台陣等勇者挑戰，有志者請聯絡吹時，挑戰成功者，重酬(!?)。