當全世界小朋友都好鍾意非常鍾意睇叮噹既時候,我發覺自己竟然唔鍾意果下,真係有d驚。
我係怪物小朋友黎呢?點解我同人地唔同既?
唔理喇,就算係怪物小朋友都要繼續生活,我唔會因為自己係怪物小朋友而唔繼續生存家嗎~好~唔理~

直到最近,全靠有個叫側田既男歌手出現,我先知道點解我唔鍾意睇叮噹。


天都不愛我　立心孤立我
平凡的人若提及情份便顯得不配麼
難道我看不到　現況正是結果
沒結果　沒結果　沒結果

由得我　無人爭奪我　無人關懷是誰大平賣親和
平凡像我路過　十個似我　情敵實在太多

天都不理我　令我想清楚
感情事來自　由弱者所寫的悲歌
事實上為什麼不拍到拖　說穿了我不美


開頭立下耳聽到呢首歌,哇~怨到丫~
再聽清楚埋d歌詞,哇!妖~

你男人老狗係度賴自己唔夠靚仔,所以無人要,男人靠呢d野架咩?(註:吹時本身唔鍾意靚仔)靠個天理你架咩?男人老狗靠自己家嗎!
淨係識坐係度怨,仲要呼天搶地到咁高音. . . . . . .
你唔做好自己本份,唔主動,咪就係好似而家咁坐係度囉!

就好似影相咁,影一張唔得,影一百張實有一張得啦!

真係無怪乎點解我唔鍾意睇叮噹!我唔係唔鍾意叮噹,而係唔妥大雄!
集集都係度喊住咁跑返黎話比人蝦,又或者hea住hea住hea係地下搵叮噹幫手做野。
妖!每次聽到大雄喊呀苦肉呀果下即刻轉台!好啦忍手唔轉台喇,但係之後既劇情仲要一定係衰到因為唔聽叮噹講搞到一鑊粥咁返黎!

我討厭軟弱,都討厭過份縱容。
其實我好多時都好軟弱,都會怨. . . . . . 又或者係同類相斥既原理掛. . . . . . ?
只可以話好彩我係女兒身囉. . . . . .

原來我唔鍾意睇叮噹既原因,同女人唔鍾意好人既原因係一樣. . . . . .
女人係鍾意一個知道自己要乜而會落手落腳去爭取既男人,而唔係淨係坐係度等運到又或者等自己生得靚仔d既男人。

唉,而家呢個世界周地都係呢d咁既男人,睇怕吹時真係做硬老姑婆喇. . . . . .