好耐無睇過卡通片喇~

頹廢既暑假某日下午,唔知做乜無聊到癲,又食完午飯(四點幾既午飯)坐左係廳度hea,報紙又睇完,就打開個電視繼續hea啦~
點知撞著「唱k小魚仙」呢套咁正既卡通片,我睇完之後真係即時周圍介紹比人睇架~仲要求下人一定要睇一集,一集已經夠!

睇個名,都已經夠喇,再睇埋成集,簡直已經被奪去半條人命!
大約內容係講幾隻小魚仙唔知做乜以人既形態係人類社會度生活,到必要時會變身,就好似以前果d咩婚紗小天使果d換湯唔換藥變身卡通片,變左身之後就去打敵人。
但係今次亞小魚仙們既攻擊方法,都幾好笑囉!
就係唱歌. . . . . .
唱死d敵人. . . . . . .
哇哈哈哈哈哈哈哈哈哈哈哈~笑到我癲~
亞小魚仙係度唱日文歌,亞敵人就比佢唱到鬈左係度典黎典去,跟住一句”你因住黎呀~”就消失左。
我都唔明點解我可以頂得順睇哂成集既. . . . . .

唉. . . . . . 真係好教唔教,教d小朋友唱人. . . . . .
仲要唱死人. . . . . .