12/Apr/2008 (週六，天陰)

今日好大霧，不過都有少少陽光！因為12點要去學車，同埋公司又多野做，所以一早就跟埋懵爸車出門啦～　我地先去食早餐，食完都9:30啦，之後就返公司做野！點知各位朋友都好驚訝，星期六都見到我咁早online，於是同朋友傾傾傾，MSN閃不停呀，好快又夠鐘要閃人！哈，返左來咁耐，只係覆左幾個e-mail，都無咩做其它野，算啦！

之後就出發學車啦～　今日都係行考試路線啦，不過日頭行真係好好多，望的野都清晰好多！不過好快又夠鐘啦，今日無時間泊位添，又要等下堂先有得試啦！

之後就同朋友去九龍城食Lunch，佢介絡一間係”清真牛肉館”，話好好味，一定要試，去到真係好多人排隊呀，於是我地確定買外賣算啦！在等期間就去左附近食糖水，呢間又係出名的老店 ”合成糖水舖”

呢個就係地址啦，有蓮子大王之稱的～

蓮子腐竹百合糖水，清熱潤肺～　　的確好好味呀，夠晒滋潤呀！

有外賣到啦～　聞到香噴噴呀！

裡面充滿牛肉汁～　不過我就覺得麻麻地，可能比較多油，我就唔係好得呀！